Luka 9:35 - AHYERƐLƐ KRONGRON

³⁵ Afei edwudwolɛ bie fili munungum ne anu hane kyɛ, “Ɛhe ole Mma bɔ maneanea nu maye ye ne; ɛ́mɔtie ye!”

Luka 9:35 Iomraidhean Croise

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Mateo 12:18

“Tie, Ɛhe ole me somvoɛ bɔ maneanea nu maye ye ne, bɔ mekuro ye dwirɛ, bɔ me kra nye gye ye nwo paa ne. Ngɔfa me Sunzum ngogua ye so, na ɔkɔbɔ ndɛen turoloo nwo dawure kohyire Amaenmaensofoɛ.

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Marko 1:11

Na komviɛ bie fili nyameɛso sele kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Luka 3:22

na Sunzum Krongron dwu wale ye so wɔ anwoɔnaen tebea nu, kyɛ abubure, na edwudwolɛ bie fili nyameɛso hane kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Luka 9:34

Na ogu so odwudwo ne, munungum bie wale ɔɔkatale bɛ so, na mmerɛ bɔ bɛ́mono munungum ne anu nen, besurole.

Yohane 12:28

Baba, hyɛ wɔ dumaa animnyam!” Yeɛ komviɛ bie fili nyameɛso wale kyɛ, “Mahyɛ ye animnyam dada, na ngɔhyɛ ye animnyam bieku.”

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Hebrifoɛ 3:15

Kyɛbɔ bɛkã kyɛ, “Ɛnɛ, sɛ ɛmɔte Nyameɛ dwudwolɛ a, nnɛma ɛmɔyɛ asoserɛ, kyɛbɔ bɛyɛle ye so lɔen ne.”

Hebrifoɛ 5:9

na olili mu yiele nen, ɔɔyɛle ngoa bɔ olle ayieleɛ ti mane bɛ bɔ bɛyɔ sotie bɛma ye nemɔ amukoraa,