Luka 9:33 - AHYERƐLƐ KRONGRON

³³ Na mmerɛ bɔ mmienzua nyɔ nemɔ befi Yesu nwo berɛ bɛkɔ ne, Petro sele Yesu kyɛ, “Yɛ mene, ɔte paa kyɛ yɛtena wa ɔ. Maa yɛbɔ asese nza, wɔ deɛ ko, Mose deɛ ko, yeɛ Elia deɛ ko.” Ofikyɛ né ɔnze bɔ ɔkã ɔ.

Luka 9:33 Iomraidhean Croise

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 73:28

Nakoso me de, ɔte paa ma me kyɛ ngopingye Nyameɛ ɔ; mafa AWURADE Nyameɛ mayɛ m’afealeɛ, amaa ɔnate so mabɔ wɔ nnwumaa mukoraa nwo dawure.

Mateo 17:14

Bedwuli ɛlɔen ne anwo berɛ nen, biaa bie wale Yesu berɛ, oguale ndwerɛ wɔ ye nyunu, na ɔsrɛle ye kyɛ,

Mateo 17:4

Na Petro sele Yesu kyɛ, “Awurade, ɔte paa kyɛ yɛtena wa ɔ; na sɛ ekuro a, ngɔbɔ asese nza wɔ wa, wɔ deɛ ko, Mose deɛ ko, yeɛ Elia deɛ ko.”

Marko 10:38

Nakoso Yesu sele bɛ kyɛ, “Ɛmɔnze bɔ ɛmɔbisa ɔ. Aso ɛmɔkɔhora bɛkɔno kulie bɔ meno ne (noa), anaakyɛ asubɔlɛ bɔ bɛfa bɛbɔ me ne, ɛmɔkɔmaa bɛkɔfa bɛkɔbɔ ɛmɔ anaa?”

Luka 5:5

Na Simɔn buale kyɛ, “Yɛ mene, yayɔ adwuma dee kɔngɔen amukoraa, na yangye huu! Nakoso bɔ ahã ne ati, ngogua asawu ne.”

Luka 9:34

Na ogu so odwudwo ne, munungum bie wale ɔɔkatale bɛ so, na mmerɛ bɔ bɛ́mono munungum ne anu nen, besurole.

Luka 9:49

Na Yohane buale kyɛ, “Yɛ mene, yɛnwuni kyɛ ebie ole wɔ dumaa otu sunzummɔne mɔ, na yɛberale ye, ofikyɛ nna ɔne yɛ ɛɛnate ɔ.”

Yohane 14:8

Yeɛ Filipo sele ye kyɛ, “Awurade, kyire yɛ Baba ne, na bɔ yɛhia hɔ ala ɛne.”

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.