Luka 9:32 - AHYERƐLƐ KRONGRON

³² Na nnaa fale Petro ne bɛ bɔ bɛboka ye so ne, na betingyele ne, benwuni Yesu animnyam ne, ɔne mmienzua nyɔ bɔ bɛ ne ye gyi berɛ ne.

Luka 9:32 Iomraidhean Croise

Yesaya 60:19

“Nna eyia yeɛ ɔkɔyɛ wɔ kanea alehyeleɛ ɔ ko, yeɛ nna ɛsraen yeɛ ɔkɔta hyireinn kɔma wɔ alesaleɛ nu ɔ, na mmom AWURADE yeɛ ɔkɔyɛ wɔ kanea afebɔɔ ɔ, na wɔ Nyameɛ kɔyɛ w’animnyam.

Daniel 10:9

Afei ndele ye komvi, na ndele ye komvi nen, nde ndɔle berɛ nnafele hatee bɔ né me nyunu butu berɛ ɔ.

Daniel 8:18

Na ogu so bɔ odwudwo kyire me nen, nnale hatee, bɔ né me nyunu butu berɛ ɔ; na ɔsɔle me nu fale me gyinane berɛ.

Marko 14:40

Na osa wale bɛ nwo berɛ nen, onwuni bɛ kyɛ balafe bieku; né bɛ nye twaa so, na bannwu mmuayɛɛ bɔ bɛ́fa bɛ́ma ye ɔ.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

2 Petro 1:16

Amba, edwirɛ bɔ yahã yahyire ɛmɔ yafa y’Awurade Yesu Kristo tumi ne ye walɛ ne anwo ne, yamva kanda ɛhoaatolɛ so, na mmom yɛ bɔbɔ yɛte ye animnyam totohyia bɔ yɛnwuni ye ne nwo adanzefoɛ.

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.