Luka 9:3 - AHYERƐLƐ KRONGRON

³ Na osele bɛ kyɛ, “Nnɛma ɛmɔfa nikye fee betu ɛmɔ atee ne, nnɛma ɛmɔfa pɔmaa, anaa bɔtɔ, anaa aleɛ, anaa sikaa, anaa ndaadeɛ nyɔ nyɔ.

Luka 9:3 Iomraidhean Croise

Edwein 37:3

De AWURADE di, na yɔ bɔ ɔte paa ɔ; amaa ɔnate so anya aseɛ ne aso atena, ná wɔ nwo atɔ wɔ.

Marko 6:7

Ɔfrɛle asuafoɛ buru ne nyɔ ne maa bɛwale ye nwo berɛ, na ɔhyɛle ye bo ɔsomane bɛ nyɔ nyɔ, na ɔmane bɛ sunzummɔne mɔ so tumi.

Luka 12:22

Afei Yesu sele ye asuafoɛ nemɔ kyɛ, “Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaa ɛmɔ nipadua nwo, kyɛ nzu yeɛ ɛmɔkɔhera ɔ.

Luka 12:28

Na sɛ Nyameɛ siesie eburo ndire bɔ ogyi berɛ ɛnɛ maa ɔyɛ nyemene, ná ɛhema bapɛ bayera ye foonoo nu po a, ɔkɔyɛ sɛɛ bɔ ongosiesie ɛmɔ ma ɛmɔ nwo ngɔyɛ nyemene ngɔtra so ɔ? Ɛmɔ bɔ ɛmɔ gyidie te kãa ɔ!

Luka 22:35

Na obisale bɛ kyɛ, “Mmerɛ bɔ nzomane ɛmɔ bɔ ɛmɔamva sikaabɔtɔ, anaa ateetulɛ bɔtɔ, anaa mbaboa ne, nikyee bie hiane ɛmɔ anaa?” Na bebuale kyɛ, “Daabi, yanhia hwee.”

Luka 3:11

Na obuale bɛ kyɛ, “Sona bɔ ole ataadeɛ aguasoɛ nyɔ ne, maa ɔhyɛ nu ma bɔ olle bie ɔ bie; yeɛ bɔ ole aleɛ ne koso, maa ɔyɔ sɔ ala.”

Luka 5:29

Afei Lewi tole poen pirikua wɔ ye awuro mane ye; na ɛtoɔdidelɛfoɛ ne mmenia biemɔ pee bɛ ne bɛ bɛɛtena berɛ.

Luka 9:4

Na awuro biala bɔ ɛmɔkosikye nu ne, ɛ́mɔtena berɛ maa oodwu kyɛ ɛmɔkofi berɛ ɔ.

2 Timoteo 2:4

Sraaniɛ bɔ ogyi koɛ noa nen, ɔmva daadaa asetena nu dwirɛ mɔ ngyekye ye nwo, ofikyɛ okuro kyɛ ɔsɔ bɔ ɔfale ye adwuma ne nye.