Luka 9:29 - AHYERƐLƐ KRONGRON

²⁹ Na ogu so ɔbɔ mbaeɛ nen, ye nyunu sue ne sesane, ye ataadeɛ yɛle hyɛnn, na ɔtale.

Luka 9:29 Iomraidhean Croise

Yesaya 33:17

Wɔ nye konwu ɛhene ne wɔ ye anwonyemene nu, anyeɛ ne konwu aseɛ bɔ ɔtrɛ kɔ dedeede ɔ.

Yesaya 53:2

Ofikyɛ ofifili kyɛ bakaa horɔhorɔ bie wɔ ye nyunu, kyɛ ndii bɔ wafifi wɔ aseɛ wosee nu ɔ. Wannya sue anaa animnyam bɔ ɔkɔmaa yɛkɔnea ye ɔ, yeɛ wannya anwonyemene bɔ ɔkɔmaa yɛkohuro ye dwirɛ ɔ.

Mateo 17:2

Na ɔsesane wɔ bɛ nyunu berɛ, ye nyunu tale kyɛ eyia, na ye ndaadeɛ yɛle hyɛnn kyɛ kanea.

Marko 16:12

Na ɛhe asi ne, ɔyele ye nwo ali sue foforɛ nu hyirele bɛ nu nyɔ, wɔ mmerɛ bɔ né bɛnate atee so bɛkɔ akuraa nu ɔ.

Luka 3:21

Na ɔwale kyɛ, ɔbɔle mmenia ne amukoraa asu nen, ɔbɔle Yesu koso asu, na ɔ́bɔ mbaeɛ nen, anwuro bukyele,

Luka 5:16

Nakoso ɔhwene ye nwo hɔle ɛserɛ so ɔɔbɔle mbaeɛ.

Luka 6:12

Sɔ mmerɛ ne anu, Yesu hɔle bokaa bie aso ɔɔbɔle mbaeɛ, na kɔngɔen ne amukoraa ɔbɔle mbaeɛ hyirele Nyameɛ.

Luka 9:18

Ɛlɛho bie, né Yesu wɔ nekaa bie ye ngome ɔbɔ mbaeɛ; né ye asuafoɛ nemɔ bɛboka ye so, na obisale bɛ kyɛ, “Mmenia kekã kyɛ nwa ole me?”

Luka 9:30

Na yieee, mmienzua nyɔ bɔ bɛ ole Mose ne Elia, bɛ ne ye beedwudwole.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Asomafoɛ 6:15

Badwafoɛ ne amukoraa neane Setefano haa, na benwuni kyɛ ye nyunu ayɛ kyɛ abɔfo nyunu.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.