Luka 9:20 - AHYERƐLƐ KRONGRON

²⁰ Na obisale bɛ kyɛ, “Na ɛmɔ koso de, ɛmɔnwa nwa ole me?” Yeɛ Petro buale kyɛ, “Nyameɛ Kristo ne.”

Luka 9:20 Iomraidhean Croise

Mateo 22:42

kyɛ, “Kristo ne, ɛmɔdwene ye nwo sɛ? Nwa awa ɛne?” Bebuale ye kyɛ, “Dawide awa ɛne.”

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Mateo 5:47

Na sɛ ɛmɔ aliɛma mɔ ngome yeɛ ɛmɔbisa bɛ ahye a, nzu yeɛ ɛmɔayɔ maa wabo so ɔ? Ewiasefoɛ po, aso nna sɔ ala yeɛ bɛyɔ ɔ?

Marko 14:61

Nakoso Yesu yɛle dinn, na wammua ye nwo bie. Na ɔsɔfo panyi paa ne sa bisale ye kyɛ, “Wɔ ole Kristo ne, Bɔ Wanya Saleɛ n’Awa ne anaa?”

Marko 8:29

Na obisale bɛ kyɛ, “Na ɛmɔ koso de, ɛmɔnwa nwa ole me?” Na Petro buale ye kyɛ, “Wɔ ole Kristo ne.”

Luka 22:67

“Wɔ ole Kristo ne anaa? Kã kyire yɛ!” Na obuale bɛ kyɛ, “Sɛ mekã mekyire ɛmɔ a, ɛmɔngole ngoli,

Luka 9:19

Na bebuale kyɛ, “Asubɔlɛniɛ Yohane; nakoso ebiemɔ bɛnwa Elia; yeɛ ebiemɔ koso bɛnwa daa tete ngɔmhyɛlɛfoɛ nemɔ nu ko yeɛ wadwɔso ɔ.”

Yohane 1:41

Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne).

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 11:27

Na obuale ye kyɛ, “Yoo, Awurade, mede medi kyɛ wɔ ole Kristo ne, Nyameɛ Awa ne bɔ ɔ́ba wiase ne.”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 4:29

“Ɛmɔbra bɛɛnea oo, biaa bie bɔ wahã bɔ mayɔ amukoraa wahyire me ɔ! Aso nna ye ole Kristo ne anaa?”

Yohane 4:42

Na besele braa ne kyɛ, “Afei de, nna wɔ noa dwirɛ ne ati yeɛ ɔmaa yɛde yɛdi ɔ, na mmom yɛ bɔbɔ yate, na yanwu kyɛ amba, ye ole ewiase Ngoadefoɛ ne.”

Yohane 7:41

Yeɛ ebiemɔ koso hane kyɛ, “Kristo ne ɛhe!” Nakoso ebiemɔ hane kyɛ, “Kristo ne, Galilea yeɛ okofi kɔwa hɔ anaa?

Asomafoɛ 17:3

Ohyirehyirele nu lili ye nwo adanzeɛ kyɛ, né ɔsɛ kyɛ Kristo ne nwu amaneɛ na odwɔso fi awufoɛ nu. Na ɔhane kyɛ, “Sɔ Yesu he bɔ mekã ye nwo dwirɛ mekyire ɛmɔ ne, ye ole Kristo ne.”

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Asomafoɛ 9:22

Nakoso Sɔɔlo hɔle so nyane anwoserɛ wɔ ye nzɛmbahanɛ nu. Ye adanzeɛ bɔ olili kyɛ Yesu ole Kristo ne lale berɛ turoloo bɔ aporowaa biala nne ye nwo ɔ. Na Yudafoɛ bɔ bɛwɔ Damasko ne annya edwirɛ biala ko bɔ bɛha bɛfa bebua ye ɔ.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.