Luka 9:16 - AHYERƐLƐ KRONGRON

¹⁶ Yeɛ Yesu fale paanoo nnu ne tiré nyɔ ne, ɔtole ye nye neane nyameɛso, oyirale so, obubuli nu, na ɔfa mane asuafoɛ nemɔ kyɛ bɛhyɛ bɛma ɛlɔen ne.

Luka 9:16 Iomraidhean Croise

Mateo 14:19

Afei ɔmane ɛlɔen ne bɛtenatenane ase wɔ ɛserɛ ne aso. Na ɔfale paanoo nnu ne tiré nyɔ ne, ɔtole ye nye neane nyameɛso, oyirale so, obubuli nu, na ɔfale paanoo ne mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Mateo 15:36

Afei ɔfale paanoo nzoo ne ne tiré ne, ɔlale ase, na obubuli nu, ɔfa mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Marko 7:34

ɔtole ye nye neane nyameɛso, oguale anwongokoɔ, na osele ye kyɛ, “Hefata!” Bɔ ye bo kyire “Bukye!”

Luka 22:19

Afei ɔfale paanoo, ɔlale ase, obubuli nu fa mane bɛ, na ɔhane kyɛ, “Ɛhe te me nwonaen bɔ ɛmɔ ti bɛ́fa bɛ́ma ɔ; ɛ́mɔyɔ he bɛ́fa bɛ́kaye me.”

Luka 24:30

Na ɔwale kyɛ ɔne bɛ bɛtenane poen nwo kyɛ bedidi nen, ɔfale paanoo ne, oyirale so, na obubuli nu fa mane bɛ.

Luka 9:15

Bɛyɔle sɔ, na bɛmane bɛ mukoraa bɛtenatenane ase.

Luka 9:17

Bɛ mukoraa bedidili bɛmane bɛ ko yili, na ye bo mboporoka ne, bɛsesale ngɛndɛen buru ne nyɔ.

Yohane 6:11

Na Yesu fale paanoo ne, ɔlale ase, na ɔhyɛ mane bɛ bɔ bɛtete berɛ ne; na sɔ ala yeɛ ɔyɛle tiré ne koso ɔ, somaa biala bɔ behia ɔ.

Yohane 6:23

Nakoso ɛlɛen biemɔ fili Tiberia bɛwale bepingyele nekaa bɔ Awurade lale ase, ná belili paanoo ne.

Asomafoɛ 27:35

Na ɔhane sɔ dwirɛ nen, ɔfale paanoo, ɔlale Nyameɛ ase wɔ bɛ mukoraa bɛ nyunu berɛ, obubuli nu, na ɔhyɛle ye bo didili.

Romanfoɛ 14:6

Sona bɔ ɔdwene kyɛ kyẽa bie te paa nen, ɔyɔ sɔ fa hyɛ Awurade animnyam. Yeɛ sona bɔ odi nikyee bie nen, odi fa hyɛ Awurade animnyam, ofikyɛ ɔda Nyameɛ ase. Sɔ ala yeɛ sona bɔ onni ne koso, ɔyɔ sɔ fa hyɛ Awurade animnyam ɔ, na ɔda Nyameɛ ase.

1 Korintofoɛ 10:30

Nakoso sɛ mefa asennaa medi a, nzu ati yeɛ ebie kã me nwo dwirɛ tɛɛ fa bɔ mala ye nwo ase nwo ɔ?

1 Korintofoɛ 11:24

ɔlale ase, na obubuli nu, na ɔhane kyɛ, “[Ɛmɔle beli.] Ɛhe te me nipadua bɔ bébubu bɛ́ma ɛmɔ ɔ; ɛ́mɔyɔ he bɛ́fa bɛ́kaye me.”

1 Samuel 9:13

Sɛ ɛmɔdwu kuro ne aso ala a, ɛmɔkonwu ye koraka né wafo wahɔ asɔneyɛɛ so berɛ waadidi. Sɛ ɔwwale a, mmenia nnidi, ofikyɛ ye yeɛ odi kyɛ oyira afɔleɛ ne aso koraka ɔ. Na ɛhe asi ne, mmenia bɔ bato bɛ sa bafrɛ bɛ ne, bedidi. Yiti ɛ́mɔfo bɛhɔ, na ɔngɔhyɛ biala ɛmɔkonwu ye.”