Luka 9:12 - AHYERƐLƐ KRONGRON

¹² Na mmerɛ bɔ aleɛ yɛle kyɛ ɔsa nen, asuafoɛ buru ne nyɔ ne wale beesele Yesu kyɛ, “Ma ɛlɔen ye bɛhɔ nguraa ne namue bɔ bɛwɔ mbɔtam wa ye anu bɛɛpena nekaa bɔ bɛkɔla ɔ, ɔne nikyee bɔ bekoli ɔ, ofikyɛ nekaa bɔ yɛwɔ ye ɔte ɛserɛ so.”

Luka 9:12 Iomraidhean Croise

Hesekiel 34:25

“Me ne bɛ yɛkɔyɛ asomdwee apam, na ngotu ngaka aboyaa mɔ bo ngofi aseɛ ne aso, amaa ɔnate so batena ɛserɛ ne aso asomdwee nu, ná balela ɛhɔayeɛ nemɔ anu.

Hosea 13:5

Me, me yeɛ nwuni wɔ wɔ ɛserɛ so ɔ, wɔ aseɛ bɔ nzue nne so ɔ so.

Mateo 14:13

Yesu tele edwirɛ bɔ wasi nen, ɔfale ɛlɛen ofili berɛ hɔle nekaa bie bɔ berɛ te dinn ɔ. Nakoso ɛlɔen ne tele nen, bɛfale ase befili nguro nemɔ aso bɛpole ye.

Mateo 15:23

Nakoso Yesu andɛ ye so. Na ye asuafoɛ nemɔ wale bɛɛsrɛle ye kyɛ, “Maa ɔhɔ, ofikyɛ ɔteatea nu di yɛ si!”

Mateo 15:32

Afei Yesu frɛle ye asuafoɛ nemɔ, na osele bɛ kyɛ, “Mmenia hemɔ bɛyɛ me anwumvo, ofikyɛ bali me nwo wa ɛlɛsa ɛhe, bɔ nikye fee nne berɛ bɔ bekoli ɔ; na menguro kyɛ ngɔmaa bɛkɔfa ɛhɔen bekosa bɛkɔhɔ ɔ, anyɛ a, né bapepɛ bafi atunu.”

Luka 9:11

Na ɛlɔen ne tele nen, bɛpole ye; ye koso olele bɛ nyemene so, ɔhane Nyameɛ ahennie ne nwo dwirɛ hyirele bɛ, na ɔsale bɛ bɔ né behia anwonyerɛsalɛ ne anwonyerɛ.

Luka 9:13

Nakoso Yesu sele bɛ kyɛ, “Ɛ́mɔma bɛ nikyee ma beli.” Na bebuale kyɛ, “Bɔ yɛle ye amukoraa ole paanoo nnu ne tiré nyɔ ala, sana yɛkɔɔtɔ aleɛ yɛma mmenia ne amukoraa?”

Yohane 6:1

Ɛhe asi ne, Yesu pɛle Galilea ɛpo bɔ besa bɛfrɛ ye Tiberia ɛpo ne hɔle ye si dɔ.

Filipifoɛ 1:19

Ofikyɛ mese kyɛ ɔnate ɛmɔ mbaeɛbɔlɛ ne Yesu Kristo Sunzum mmokalɛ so, ɛhe kɔkakyi ngoalelɛ kɔma me,