Luka 9:11 - AHYERƐLƐ KRONGRON

¹¹ Na ɛlɔen ne tele nen, bɛpole ye; ye koso olele bɛ nyemene so, ɔhane Nyameɛ ahennie ne nwo dwirɛ hyirele bɛ, na ɔsale bɛ bɔ né behia anwonyerɛsalɛ ne anwonyerɛ.

Luka 9:11 Iomraidhean Croise

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Mateo 12:15

Nakoso Yesu nwuni ye sɔ nen, ofili berɛ hɔle. Mmenia pee lili ye si, na ɔsale bɛ mukoraa anwonyerɛ;

Mateo 14:14

Ofili ɛlɛen ne anu dwuli ná onwuni mmenia wora nen, bɛyɛle ye anwumvo, na ɔsale bɛ nu ayarefoɛ nemɔ anwonyerɛ.

Mateo 21:31

Bɛ munyɔ ne, bɛ nu beni yeɛ ɔyɔle ye baba apɛdeɛ ɔ?” Na bebuale kyɛ, “Bɔ oli moa ne ɔ.” Yeɛ Yesu sele bɛ kyɛ, “Nahorɛ nu, mekã mekyire ɛmɔ kyɛ, ɛtoɔdidelɛfoɛ ne adwamanbɔlɛfoɛ bédi ɛmɔ nyunu moa bɛkɔ Nyameɛ ahennie ne anu.

Mateo 21:43

“Ɛhe ati, mekã mekyire ɛmɔ kyɛ, bekole Nyameɛ ahennie ne bekofi ɛmɔ sa nu bɛkɔfa bɛkɔma maen bɔ bekosu ahennie ne anu mmaa ɔ. [

Luka 1:53

Wama bɛ bɔ ɛhɔen ku bɛ ɔ bali aleɛ paa ma bɛ ko ayi, yeɛ wama esikafoɛ bafa nzanza bahɔ.

Luka 5:31

Yeɛ Yesu buale bɛ kyɛ, “Bɛ bɔ bɛte apɔ ne, benhia safoɛ, na mmom bɛ bɔ bɛnde apɔ yeɛ behia ye ɔ.

Luka 8:1

Na ɔwale kyɛ, ɛhe asi ne, ohyinini nguro ne nguraa biala nu hane Nyameɛ ahennie ne nwo nzɛmba hyirele, na né asuafoɛ buru ne nyɔ ne bɛboka ye so,

Luka 8:10

Na obuale kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ, nakoso mmenia ngaa ne de, bafa bama bɛ anyandera nu, amaa ɔnate so banwu ye, nakoso bannwu nu, ná bate, nakoso bande ye bo.”

Luka 9:10

Na asomafoɛ nemɔ sa wale nen, bɛfale bɔ baayɔ amukoraa nwo amaneɛ bɛbɔle Yesu. Na Yesu fale bɛ ɔne bɛ beewurale nekaa bie dinn wɔ kuro bɔ oli Betesaeda nwo berɛ.

Luka 9:12

Na mmerɛ bɔ aleɛ yɛle kyɛ ɔsa nen, asuafoɛ buru ne nyɔ ne wale beesele Yesu kyɛ, “Ma ɛlɔen ye bɛhɔ nguraa ne namue bɔ bɛwɔ mbɔtam wa ye anu bɛɛpena nekaa bɔ bɛkɔla ɔ, ɔne nikyee bɔ bekoli ɔ, ofikyɛ nekaa bɔ yɛwɔ ye ɔte ɛserɛ so.”

Luka 9:2

Afei ɔsomane bɛ kyɛ bɛɛbɔ Nyameɛ ahennie ne nwo dawure, ná bɛsa anwonyerɛ.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Yohane 6:37

Bɛ bɔ Baba ne ɔfa bɛ ma me ne, bɛ mukoraa bɛkɔwa me berɛ; na ebiala bɔ ɔba me berɛ ne, mengɔto ye ngɔye le.

Asomafoɛ 28:31

Ɔhane Nyameɛ ahennie ne nwo dwirɛ; ɔyɛle ngyerɛkyerɛ fale Awurade Yesu Kristo nwo, na osili ye ahone yɔle sɔ nikyee ne bɔ ebiala anzi ye ate ɔ.

Romanfoɛ 10:14

Na ɔkɔyɛ sɛɛ ná mmenia basu bafrɛ ye wɔ abrɛ bɔ benne ye benni ɔ? Na ɔkɔyɛ sɛɛ ná bale bɔ bɛttele ye nwo dwirɛ le ɔ bali? Na ɔkɔyɛ sɛɛ ná bate, wɔ abrɛ bɔ nzɛmbahanɛniɛ nne berɛ ɔ?

Romanfoɛ 10:17

Né nzaade, gyidie nate edwirɛ ne tielɛ nu yeɛ ɔba ɔ, na bɔ bɛte ne, ɔnate Kristo dwirɛ ne aso yeɛ ɔba ɔ.

Romanfoɛ 15:3

Ofikyɛ Kristo koso wanyɔ bɔ ɔkɔma ye ngome ye nwo kɔtɔ ye ɔ, kyɛbɔ bahyerɛ kyɛ, “Bɛ bɔ bɛbɔle wɔ alapaa ne, b’alapaa ne waagua me so.”

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.