Luka 8:54 - AHYERƐLƐ KRONGRON

⁵⁴ Nakoso Yesu sɔle ye sa, na ɔfrɛle ye kyɛ, “Akwadaa, dwɔso!”

Luka 8:54 Iomraidhean Croise

Yeremia 31:32

Ɔngɔyɛ kyɛ apam bɔ me ne bɛ nana mɔ yɛyɛle, mmerɛ bɔ nzɔle bɛ sa nyele bɛ mvili Misraim aseɛ so ne. Ɔwɔ nu kyɛ me yeɛ né nde bɛ hu ɔ, nakoso bebuli m’apam ne aso, AWURADE noa dwirɛ ɛne.

Mateo 9:25

Na ɔmaa mmenia ne fitele nen, owurale nu ɔɔsɔle abaayaa ne sa, na odwɔsole.

Marko 1:31

Ɔhɔle braa ne nwo berɛ ɔɔsɔle ye sa, ɔmane ye so, na ebunu ne fili ye nwo tuli, na ɔsole bɛ wɔfoɛ.

Marko 8:23

Yesu sɔle anyesiniwaaniɛ ne sa, ɔfale ye hɔle kuro ne tiwaa, ɔfele nwɔserɛ guale ye nye so, ɔfale ye sa guale ye so, na obisale ye kyɛ, “Yiti enwu nikye?”

Marko 9:27

Nakoso Yesu sɔle ye sa mane ye so, na odwɔsole.

Luka 8:51

Na oodwuli awuro berɛ nen, wamma ebiala ate ma wangɔ berɛ bie, sana Petro, Yohane ne Yakobo, yeɛ akwadaa ne baba ne ye maame.

Luka 8:53

Na bɛserele ye, ofikyɛ né bɛse kyɛ wawu.

Luka 8:55

Ye sunzum sa wale, na berɛ ne ala odwɔsole. Na Yesu fale ahyɛdeɛ mane bɛ kyɛ bɛma ye nikyee ma oli.

Yohane 11:43

Na ɔhane sɔ nen, ɔteane nu serɛserɛ kyɛ, “Lasarɔso, fite bra!”

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Asomafoɛ 9:40

Na Petro mane bɛ mukoraa befitele, oguale ndwerɛ bɔle mbaeɛ, ɔkakyili ye nye hɔle efuin ne anwo na ɔhane kyɛ, “Tabita, dwɔso!” Ɔtetele ye nye, na onwuni Petro nen, odwɔsole tenane berɛ.

Romanfoɛ 4:17

kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana.