Luka 8:50 - AHYERƐLƐ KRONGRON

⁵⁰ Nakoso Yesu tele ɛhe nen, obuale ye kyɛ, “Nnɛsuro, wɔ de dedi, na okonya ngoa.”

Luka 8:50 Iomraidhean Croise

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Marko 5:36

Nakoso Yesu tele edwirɛ bɔ bɛhane nen, osele nyianu sua nu panyi ne kyɛ, “Nnɛsuro, wɔ de dedi.”

Marko 9:23

Yeɛ Yesu sele ye kyɛ, “Ɛnwa: ‘Sɛ ɛkɔhora a!’ Nikyee biala kɔhora kɔyɛ berɛ kɔma sona bɔ ode di ɔ.”

Luka 8:48

Na Yesu sele ye kyɛ, “Mma brasua, wɔ gyidie ale wɔ, kɔ asomdwee nu!”

Luka 8:51

Na oodwuli awuro berɛ nen, wamma ebiala ate ma wangɔ berɛ bie, sana Petro, Yohane ne Yakobo, yeɛ akwadaa ne baba ne ye maame.

Yohane 11:25

Na Yesu sele ye kyɛ, “Me ole ewutingyelɛ ne ɔne ngoa ne; ebiala bɔ ode me di ne, sɛ owu po a, okonya ngoa.

Yohane 11:40

Yeɛ Yesu sele ye kyɛ, “Manga mangyire wɔ kyɛ, sɛ ede di a ekonwu Nyameɛ animnyam?”

Romanfoɛ 4:17

kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana.

Romanfoɛ 4:20

Wanzu aporowaa wamma ye adwene anyɛ ye naa wɔ Nyameɛ bɔhyɛ ne anwo, na mmom ogyinane pindinn wɔ gyidie nu ɔhyɛle Nyameɛ animnyam.