Luka 8:47 - AHYERƐLƐ KRONGRON

⁴⁷ Braa ne nwuni kyɛ ye nwo ala so, yiti ɔfale anwopopolɛ oofini Yesu gya bo. Na mmenia ne amukoraa bɛ nyunu berɛ, ɔhane bɔ yiti yeɛ ɔmaa ɔfale ye sa hane ye ɔ, ɔne kyɛbɔ ye nwo asa berɛ ne ala ɔ ohyirele ye.

Luka 8:47 Iomraidhean Croise

Edwein 2:11

Ɛ́mɔfa esuronyi bɛso AWURADE, ná ɛ́mɔfa anwopopolɛ koso beli ahurusi.

Edwein 38:9

Ao AWURADE, bɔ mepena amukoraa la wɔ nyunu, na me penelɛ ne ɔmvea wɔ.

Edwein 66:16

Ɛmɔ amukoraa bɔ ɛmɔsuro Nyameɛ ɔ, ɛmɔbra beetie, na bɔ wayɔ wama me ne, ngɔhã ngohyire ɛmɔ.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Hosea 13:1

Sɛ né Efraim odwudwo a, mmenia nwo wosowoso bɛ; ɔmane ye nwo so wɔ Yisrael, na ɔnate kyɛ ɔsɔnene Baal ne ati, ɔyɔle bɔne, na owuli.

Hosea 5:3

Mese Efraim, na Yisrael koso ɔmvea me; afei, ao Efraim, abɔ gyandera, na Yisrael nwo agua fiɛ.

Habakuku 3:16

Ndele nen, me kunu tele me; komviɛ ne mane me noa kekã bɔle so. M’aporɛ nu yɛle me hodwoo, na me nwo wosowosole me. Nakoso ngɔyɛ konn ngɔnwondɛ amaneɛnwunɛ kyẽa ne, kyɛ ɔkɔwa maen bɔ wafa koɛ waateta yɛ ne aso ɔ.

Mateo 28:8

Yiti bele esuronyi ne anigye befili asieleɛ ne aso ndɛndɛ bɛhɔle; na betuli amirika bɛɛbɔle ye asuafoɛ nemɔ amaneɛ.

Marko 5:33

Né braa ne se bɔ wahɔ so wɔ ye nu ɔ, yiti ole esuronyi ne anwopopolɛ oobutuli Yesu nyunu berɛ, na ɔhane nahorɛ ne amukoraa hyirele ye.

Luka 8:46

Na Yesu hane kyɛ, “Ebie afa ye sa wahã me, ofikyɛ manwu kyɛ tumi bie afi me nu wahɔ.”

Luka 8:48

Na Yesu sele ye kyɛ, “Mma brasua, wɔ gyidie ale wɔ, kɔ asomdwee nu!”

Asomafoɛ 16:29

Biaa ne maa bɛfale kanea bɛbrɛle ye, otuli amirika wale sua ne anu dɔ, na ɔfale anwopopolɛ tole ye nwo yele Pɔɔlo ne Silase gya bo.

1 Korintofoɛ 2:3

Na mvale anwobrɛaseɛ ne esuronyi ne anwopopolɛ yeɛ me ne ɛmɔ yɛtenane ɔ.

2 Korintofoɛ 7:15

Na sɛ Tito kaye kyɛbɔ ɛmɔ amukoraa ɛmɔyɛle sotie bɛmane ye, ɔne kyɛbɔ ɛmɔsi bɛfale esuronyi ne anwopopolɛ belele ye nyemene so ne a, né okuro ɛmɔ dwirɛ soma.

Filipifoɛ 2:12

Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,

Hebrifoɛ 12:28

Na ɔnate kyɛ yanya Ahennie bɔ ɔnwoso ne ati, ɛ́mɔma yɛ́fa asennaa yɛma Nyameɛ ná yɛfa esuronyi ne ebuo yɛsɔne ye kyɛbɔ ɔsɔ anyeɛ ɔ,

1 Samuel 16:4

Samuel yɔle bɔ AWURADE hyɛle ye ne, na ɔhɔle Betlehem. Kuro berɛ mbanyi fale ahunundetelɛ beeyiale ye, na bebisale ye kyɛ, “W’atee so bɔkɔɔ de?”