Luka 8:44 - AHYERƐLƐ KRONGRON

⁴⁴ Opingyele Yesu si berɛ, na ɔfale ye sa hane ye ataadeɛ noa bɔ banwo ne, na berɛ ne ala ye mogya bɔ otu ye ne pɛle.

Luka 8:44 Iomraidhean Croise

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Mateo 20:34

Yiti Yesu nwuni bɛ anwumvoin, ɔfale ye sa hane bɛ nye, na berɛ ne ala benwuni nikye, na belili ye si.

Mateo 8:3

Na Yesu tengyɛle ye sa fa hane ye, na ɔhane kyɛ, “Mekuro, wɔ nwo fi!” Na berɛ ne ala ye kwata ne hɔle.

Mateo 9:20

Na yieee, braa bie bɔ mogya atu ye afoɛ buru ne nyɔ ɔ fale Yesu si, na ɔfale ye sa hane ye ataadeɛ noa bɔ banwo ne.

Marko 6:56

Na nekaa biala bɔ ɔhɔle ne, kyɛ nguraa nu oo, kuro nu oo, anaa namue nu oo, bɛfale ayarefoɛ bɛɛsamone dwaaso, na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Luka 13:13

Na ɔfale ye sa guale ye so, na berɛ ne ala ye nu tengyɛle, na ɔyele Nyameɛ ayɛ.

Luka 7:38

na oogyinane Yesu si wɔ ye gya nwo berɛ, osuni, na ɔhyɛle ye bo porole moen guale ye gya so, ɔfale ye ti nwiaa nununi, ɔfele ye gya bo, na ɔfale sakyeɛfona ne popale ye gya bo.

Luka 8:43

Né braa bie bɔ mogya atu ye afoɛ buru ne nyɔ ɔ ɔfora bɛ nu. [Né bɔ ole ye amukoraa wafi ye sa wɔ safoɛ mɔ sa nu], nakoso ebiala angora wanza ye anwonyerɛ.

Luka 8:45

Na Yesu bisale kyɛ, “Nwa yeɛ ɔfale ye sa hane me ne?” Ebiala nwa nna ye ɔ, na Petro hane kyɛ, “Yɛ mene, mmenia wora apɛ wɔ nwo ayia bɔ bahyere wɔ so ɔ!”

Yohane 5:13

Na biaa bɔ ye nwo asa ne, né ɔnze sona horɛ, ofikyɛ né Yesu ahwe ye nwo wafi berɛ, yeɛ afei né mmenia pee wɔ berɛ.

Asomafoɛ 19:12

na bɛfale ye nwo duku anaa ye ataadeɛ ngatanyunu po beguale ayarefoɛ so maa bɛtele apɔ, na sunzummɔne tutu fili bɛ nu.

Asomafoɛ 5:15

Na ɔnate bɔ né asomafoɛ nemɔ bɛyɔ ne ati, mmenia soale ayarefoɛ bɛwale dwaaso, na bɛfale bɛ beguale mba ne bɛen so, kyɛbɔ ɔkɔyɛ ná Petro pɛ nu a, ye wawoɛ kɔtɔ bɛ nu bie so ɔ.

Deuteronomi 22:12

“Ɛtena bɔ ɛfa gurɔ wɔ nwo ne, nwo nikyee fa sosɔ ye ahinanan nemɔ aso.