Luka 8:38 - AHYERƐLƐ KRONGRON

³⁸ Na biaa bɔ sunzummɔne mɔ tu fili ye nu ne, ɔsrɛle Yesu kyɛ ɔne ye bɛkɔhɔ; nakoso Yesu guale ye ate, na osele kyɛ,

Luka 8:38 Iomraidhean Croise

Edwein 116:12

Ɛlolɛ amukoraa bɔ AWURADE alo me ye, nzikyɛ yeɛ me wora ngɔyɔ ngɔma ye ɔ?

Edwein 116:16

Ao AWURADE, nde wɔ somvoɛ, nde wɔ somvoɛ, w’afaneɛ awa ole me. Asangye nyamaa bɔ wakyekye me ne.

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 32:7

Wɔ yeɛ ɛte m’afealeɛ ɔ, wɔ yeɛ ɛbɔ me nwo waen fi amaneɛ nu ɔ; ɛfa wɔ ngoalelɛ dwein ɛpɛ me nwo yia. Sela

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Luka 8:28

Na mmerɛ bɔ onwuni Yesu nen, ɔteane nu serɛserɛ tole ye nwo yele ye gya bo, na ɔteane nu hane kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Mesrɛ wɔ, nnɛteetee me!”

Luka 8:37

Na mmenia amukoraa bɔ bɛwɔ Gerasafoɛ mbɔtam berɛ ne, bɛsrɛle Yesu kyɛ ofi bɛ berɛ hɔ; ofikyɛ né ɛserɛ piri atɔ bɛ so. Yiti ɔfole ɛlɛen ne anu osa hɔle.

Luka 8:39

“Sa kɔ w’awuro, ná kɔhã nikyee piri bɔ Nyameɛ ayɔ ama wɔ ɔ.” Na osili nu hɔle ɔɔbɔle nikyee piri bɔ Yesu ayɔ ama ye ɔ nwo dawure wɔ kuro ne anu amukoraa.

Filipifoɛ 1:23

Ɛhe amaa mayɛ anianiani. Ahaa mekuro kyɛ ngofi wa me ne Kristo yɛkɔɔtena, ofikyɛ ɛhene mmom yeɛ ɔte paa koraa ɔ,