Luka 8:32 - AHYERƐLƐ KRONGRON

³² Né mbrako kure pirikua bie wɔ berɛ bɔ bedidi wɔ bokaa ne ngyɛnu ɔ; na bɛsrɛle Yesu kyɛ ɔma bɛ ate ma beewura bɛ nu. Na ɔmane bɛ ate.

Luka 8:32 Iomraidhean Croise

1 Ahemvo 22:22

Na AWURADE bisale ye kyɛ: Ɛyɛ sɛɛ né alakalaka ye?’ Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔpɛ anoanu.’ Yeɛ AWURADE sele kyɛ, ‘Kɔ na kɔlakalaka ye, na wɔ sa kɔhã yeɛ kɔ na kɔyɔ ye sɔ ala.’

YOB NWOMAA NE 1:10

Ye nwo waen, ye abusua nwo waen, ɔne nikyee biala bɔ ole ye ɔ nwo waen bɔ abɔ abra ayia ne, aso nna ye ti ɔ? Ayira ye sa noa adwuma so, na ye nyɛmmoa bata pee wɔ aseɛ ne aso.

YOB NWOMAA NE 1:12

Yeɛ AWURADE sele Satan kyɛ, “Nea, nikyee biala bɔ ole ye ne, owura wɔ sa. Nakoso ye ngoa de, nnɛfa wɔ sa ka ye!” Yiti Satan fili AWURADE nyunu berɛ hɔle.

YOB NWOMAA NE 2:6

Yeɛ AWURADE sele Satan kyɛ, “Nea, owura wɔ sa. Nakoso ye ngoa de, nnɛfa wɔ sa ka ye!”

Edwein 62:11

Nyameɛ dwudwole komapɛ, na mate ye pɛen nyɔ so kyɛ, Tumi te Nyameɛ deɛ’.

Yesaya 65:4

bɔ bɛtenatena asieleɛ mɔ nu, bɛtenatena mvealeɛ nu nekaa bie kɔngɔen, bɔ bedi prako naen, bɔ akyiwadeɛ turoo wɔ bɛ turonzemaa nu;

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Lewitikɔso 11:7

ɔne prako, ofikyɛ ɔwɔ nu kyɛ ye gya ne anu apakye, bɔ ye gya ne wura mbaboa de, nakoso ombu ye aleɛ mbesa, yiti ye nwo nde mma ɛmɔ.

Mateo 7:6

“Nnɛma ɛmɔfa bɔ ɔte krongron ɔ bɛma ngyea, yeɛ nnɛma ɛmɔto ɛmɔ mbembenanneɛ paa begua mbrako nyunu, ná bamva bɛ gya bandiatia so, ná bambɛ bɛ nwo bangeka ɛmɔ.

Luka 8:31

Na bɛsrɛle ye kyɛ nnɛmaa ɔhyɛ bɛ maa bekogua kumaa kuronguronn ne anu.

Luka 8:33

Na sunzummɔne nemɔ fili biaa ne anu fitele beewurale mbrako nemɔ anu; na mbrako kure ne piane bɛ nwo wii bɛtorotorole bokaa twɔndworɔnn ne beeguale nzue ne anu, na bɛmonone.

Yohane 19:11

Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”

1 Yohane 4:4

Me ngwadaa mɔ, ɛmɔ de ɛmɔte Nyameɛ deɛ na ɛmɔali bɛ so ngonim; ofikyɛ bɔ ɔte ɛmɔ nu ne, ɔte piri tra bɔ ɔwɔ wiase ne.

Nyekyire 20:7

Na sɛ afoɛ apee ko ne odwu a, bɛkɔsangye Satan bekofi ye kuku nu,