Luka 8:27 - AHYERƐLƐ KRONGRON

²⁷ Na ofili ɛlɛen ne anu dwuli ase nen, biaa bie bɔ ofi kuro berɛ ɔ, bɔ sunzummɔne mɔ bɛte ye nu dadadada ɔ, ooyiale ye. Né waye ye nwo wato so, né ɔtte awuro biala nu, na mmom asieleɛ so ngumaa nu yeɛ ɔte ɔ.

Luka 8:27 Iomraidhean Croise

Yesaya 65:4

bɔ bɛtenatena asieleɛ mɔ nu, bɛtenatena mvealeɛ nu nekaa bie kɔngɔen, bɔ bedi prako naen, bɔ akyiwadeɛ turoo wɔ bɛ turonzemaa nu;

Numeri 19:16

Sona biala bɔ ɔkɔhɔ buro ná ye nwo kɔha sona bɔ watɔ ngrandɛ noa, anaa sona bɔ wawu ye ɛdangama wue ye fuin, anaa ye nwo kɔha kuro sona bowue, anaa asieleɛ ne, ye nwo kogua fiɛ ɛlɛsoo.

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Marko 5:15

Bɛɛtole Yesu berɛ, na benwuni biaa bɔ mmerɛ bie né sunzummɔne wɔ ye so ne, bɔ ye dumaa li Ɛlɔen ne, kyɛ ɔte berɛ ɔ, kyɛ owura ataadeɛ, ná ye adwene wɔ berɛ ɔ, na besurole.

Luka 8:26

Na beedwuli Gerasafoɛ aseɛ bɔ ɔwɔ Galilea ndendeneɛ so ne aso.

Luka 8:28

Na mmerɛ bɔ onwuni Yesu nen, ɔteane nu serɛserɛ tole ye nwo yele ye gya bo, na ɔteane nu hane kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Mesrɛ wɔ, nnɛteetee me!”

1 Samuel 19:24

Ye koso opuropurole ye ndaadeɛ, na ɔhyɛle ngɔm wɔ Samuel nyunu berɛ. Na ɔfale ye nwo tole so lale berɛ sɔ kyẽa ne, eyia ne kɔngɔen amukoraa. Yiti ɔɔyɛle edwirɛ bie bɔ ɔla berɛ kyɛ, “Sɔɔlo koso boka ngɔmhyɛlɛfoɛ nemɔ so hɔ ɔ?”