Luka 8:25 - AHYERƐLƐ KRONGRON

²⁵ Na osele bɛ kyɛ, “Ɛmɔ gyidie ne, ɔwɔ ni?” Na besurole, bɛ nwo dwirili bɛ, na besisele bɛ nwo kyɛ, “Nzikyɛ sona ɛhe, bɔ ɔhyɛ mvrama ne nzue po a betie ye e!”

Luka 8:25 Iomraidhean Croise

Anyandera 30:4

Nwa yeɛ wafo wahɔ nyameɛso ná wadwu wawa ɔ? Nwa yeɛ waboaboa mvrama noa wɔ ye sa nu ɔ? Nwa yeɛ ɔfa ɛtena ɔbɔ nzue mɔ nonongu ɔ? Nwa yeɛ wafa aseɛ ye ti ne ye ti amukoraa wasiesie berɛ ɔ? Ye dumaa li sɛɛ, yeɛ ɔwa wora ye dumaa li sɛɛ? Sɛ ɛse a, kã kyire me e!

Anyandera 8:29

mmerɛ bɔ ɔtole ɛpo wɛen, kyɛbɔ nzue ne ngobu ye mmeraa dwirɛ so ne, mmerɛ bɔ ɔtole aseɛ fapem ne,

Mateo 14:31

Na ndɛndɛ, Yesu tengyɛle ye sa sɔle ye nu, na osele ye kyɛ, “O, wɔ bɔ wɔ gyidie te kãa ɔ! Nzu ati yeɛ esuli aporowaa ɔ?”

Mateo 17:20

Na obuale bɛ kyɛ, “Ɛmɔ gyidie te kãa ti ɔ. Nahorɛ nu, mekã mekyire ɛmɔ kyɛ, sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhã bekohyire bokaa he kyɛ, ‘Tutu fi wa kɔ dɔ,’ na ye bo kotutu; na ahaa nikyee biala ngɔyɛ se ngɔma ɛmɔ.” [

Mateo 6:30

Na sɛ Nyameɛ siesie eburo ndire bɔ ogyi berɛ ɛnɛ maa ɔyɛ nyemene, ná ɛhema bapɛ bayera ye foonoo nu po a, ɔkɔyɛ sɛɛ bɔ ongosiesie ɛmɔ ma ɔngɔbo so ɔ? Ɛmɔ bɔ ɛmɔ gyidie te kãa ɔ!

Mateo 8:10

Na Yesu tele bɔ ɔhane nen, ɔyɛle ye nwanwa, na osele mmenia bɔ beli ye si ne kyɛ, “Nahorɛ nu, mekã mekyire ɛmɔ kyɛ, Yisrael po, nnwuni gyidie piri bɔ ɔte sɔaa ɔ.

Mateo 8:26

Na osele bɛ kyɛ, “O ɛmɔ gyidie te kãa, nzu ati yeɛ ɛserɛ ahã ɛmɔ sɔa e?” Afei odwɔsole, na ɔteateane mvrama ne ne asorɔkye ne, na bɛyɛle dinn.

Marko 4:35

Sɔ kyẽa ne ala, ye nɔsoa ne, Yesu sele ye asuafoɛ nemɔ kyɛ, “Ɛ́mɔma yɛpɛ asue ne yɛhɔ ye si dɔ.”

Luka 12:28

Na sɛ Nyameɛ siesie eburo ndire bɔ ogyi berɛ ɛnɛ maa ɔyɛ nyemene, ná ɛhema bapɛ bayera ye foonoo nu po a, ɔkɔyɛ sɛɛ bɔ ongosiesie ɛmɔ ma ɛmɔ nwo ngɔyɛ nyemene ngɔtra so ɔ? Ɛmɔ bɔ ɛmɔ gyidie te kãa ɔ!

Luka 8:24

Na bɛhɔle ye nwo berɛ beetingyele ye, na besele kyɛ, “Yɛ mene, Yɛ mene, yawu yayie!” Odwɔsole, na ɔteateane mvrama ne ne asorɔkye wuruwuru ne, na bɛyakyili bɛyɛle dinn.

Luka 8:26

Na beedwuli Gerasafoɛ aseɛ bɔ ɔwɔ Galilea ndendeneɛ so ne aso.

Yohane 11:40

Yeɛ Yesu sele ye kyɛ, “Manga mangyire wɔ kyɛ, sɛ ede di a ekonwu Nyameɛ animnyam?”