Luka 8:24 - AHYERƐLƐ KRONGRON

²⁴ Na bɛhɔle ye nwo berɛ beetingyele ye, na besele kyɛ, “Yɛ mene, Yɛ mene, yawu yayie!” Odwɔsole, na ɔteateane mvrama ne ne asorɔkye wuruwuru ne, na bɛyakyili bɛyɛle dinn.

Luka 8:24 Iomraidhean Croise

Edwein 65:7

Ɛpo bɔ obu fa so ne, ye asorɔkye wuruwuru ne, ɔne maen maen mɔ bagyabagyayɛle ne, ɛmaa bɛyɛ konn.

Yesaya 50:2

Mmale ne, nzu ati yeɛ né sona biala nne berɛ ɔ? Mvrɛle ne, aso né sona biala nne berɛ bɔ okosuro ɔ? Aso me sa te tikaape bɔ ɔngɔhora ngɔpepɛ ngole ɛmɔ ɔ? Anaakyɛ, nnne tumi bɔ mefa mepepɛ mede ɛmɔ anaa? Ɛ́mɔtie, metwi ɛpo nyunu maa ɔwewe, mema asue mɔ bɛkakyi aseɛ pralaa, na ɔnate kyɛ bɛ nu naen bennya nzue ti, nzuhɔen ku bɛ maa bewu bɛporɔ.

Yeremia 5:22

“Aso ɛmɔnzuro me? AWURADE noa dwirɛ ɛne. Aso ɛmɔ nwo nwosowoso ɛmɔ wɔ me nyunu? Me bɔ mvale anweaa ndole ɛwɛen mmane ɛpo, ɛwɛen bɔ otimu berɛ afebɔɔ bɔ ɔngora ye tra ɔ; ɔwɔ nu kyɛ asorɔkye bɔ, nakoso ɔngora mmɔ ndra ye; asorɔkye bu fa so, nakoso ɔngora mmu mva ɛwɛen ne aso.

Nahum 1:4

Ɔkã ɛpo nyunu, na ɔmaa ɔwewe, ɔwewe asue amukoraa; Basan ne Kamɛl kese, na Lebanon nyerɛen twindwam.

Mateo 14:30

Nakoso onwuni mvrama bagyabagya ne nen, ɛserɛ hane ye; na ɔhyɛle ye bo kyɛ ɔmono nen, ɔteane nu kyɛ, “Awurade, de me!”

Mateo 8:25

Na bɛhɔle ye berɛ beetingyele ye besele kyɛ, “Awurade, de yɛ, na yawu yayie!”

Marko 4:39

Na odwɔsole teateane mvrama ne, na osele ɛpo ne kyɛ, “Yɛ konn, na da berɛ dinn!” Afei mvrama ne yakyili tulɛ, na ɔyɛle dinn paa.

Luka 4:35

Nakoso teateane ye kyɛ, “Mua wɔ noa, ná fi ye nu fite!” Na sunzummɔne ne tele ye fini bɛ nu berɛ, na otu fili ye nu, bɔ wanyɔ ye hwee ɔ.

Luka 4:39

Oogyinane ye nwo berɛ, na ɔteateane ɛfokyɛlɛ ne, na otu fili ye nwo; na berɛ ne ala, odwɔsole sole bɛ.

Luka 5:5

Na Simɔn buale kyɛ, “Yɛ mene, yayɔ adwuma dee kɔngɔen amukoraa, na yangye huu! Nakoso bɔ ahã ne ati, ngogua asawu ne.”

Luka 8:25

Na osele bɛ kyɛ, “Ɛmɔ gyidie ne, ɔwɔ ni?” Na besurole, bɛ nwo dwirili bɛ, na besisele bɛ nwo kyɛ, “Nzikyɛ sona ɛhe, bɔ ɔhyɛ mvrama ne nzue po a betie ye e!”