Luka 8:15 - AHYERƐLƐ KRONGRON

¹⁵ Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Luka 8:15 Iomraidhean Croise

Edwein 119:11

Mafa wɔ dwirɛ ne masie me ti anu, amaa ɔnate so manyɔ bɔne mandia wɔ.

Edwein 51:10

Ao Nyameɛ, bɔ ahone bɔ nu te ɔ wura me nu, ná fa sunzum bɔ ɔtengyɛ ɔ wura me nu.

Anyandera 3:1

Mma, nnɛma wɔ wora fi me foɛtulɛ ne, na mmom fa me mmeraa dwirɛ nemɔ sie wɔ ti anu;

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Yeremia 31:33

Nakoso apam bɔ me ne Yisrael awuro ama yɛkɔyɛ ɛhe: Sɔ mmerɛ ne asi ne, ngɔfa me mmeraa ngowura bɛ nu, na ngɔhyerɛ ye wɔ b’ahone nu; ngɔyɛ bɛ Nyameɛ, ná bɛ koso bayɛ me maen, AWURADE noa dwirɛ ɛne.

Yeremia 32:29

Na Kaldeafoɛ bɔ bafa koɛ bateta kuro he ne, bɛkɔwa bɛkɔɔto kuro he anu see, na bɛkɔyera ye ne sua mɔ bɔ mmenia ayera ɛyɛɛ wɔ bɛ ti afia bama Baal, ná basa babɔ anonneɛ afɔleɛ wɔ bɛ ti afia bama nyameɛ foforɛ mɔ kyɛ bɛfa bewura me apue ne.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Luka 11:28

Nakoso osele kyɛ, “Bɛ bɔ bɛte Nyameɛ dwirɛ ne ná bedi so ne mmom yeɛ banya saleɛ ɔ!”

Luka 6:45

Sona paa fi nningyein paa bɔ waboaboa ye noa wɔ ye ahone nu ɔ nu yeɛ ɔda nningyein paa ali ɔ; yeɛ sona bɔnefoɛ fi bɔne nningyein bɔ waboaboa ye noa wɔ ye ahone nu ɔ nu yeɛ ɔda bɔne nningyein ali ɔ; ofikyɛ bɔ wayi ahone nu maa wabu wafa so ne yeɛ ofite ye noa ɔ.

Luka 8:14

Bɔ beguale mmowue nu ne, bɛ ole mmenia bɔ bɛte dwirɛ ne, nakoso befi berɛ bɛ́kɔ a, asetena nu dadwene ne anwonyadeɛ ne anigye miamia bɛ, na bɛ mma nemɔ bendi.

Luka 8:16

“Bɛnzɔ kanea bɛmva nikyee bemmutu so, anaakyɛ bɛmva benzie mba bo. Na mmom bɛfa besie kanea bakaa so, kyɛbɔ ɔkɔyɛ bɔ mmenia bɔ bɛba nu ne bekonwu kanea ne ɔ.

Yohane 14:15

“Sɛ ɛmɔkuro me dwirɛ a, ɛmɔli m’ahyɛdeɛ so.

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

Romanfoɛ 6:22

Na kekesaala ye de, bale ɛmɔ bafi bɔne nu amaa ɛmɔayɛ Nyameɛ ngoaa. Ye so mvasoɛ bɔ ɛmɔnya ole kyɛ, ɛmɔayɛ krongron bɔ ye ayieleɛ ole daa ngoa.

Romanfoɛ 7:18

Mese kyɛ nikyee paa biala ɔtte me nu: mekyire me bɔne nipadua ne. Ofikyɛ ɔhale me ngome a, ahaa paa yeɛ meyɔ ɔ, nakoso mengora ye yɔ.

Romanfoɛ 7:4

Aliɛmaa mɔ, sɔ ala yeɛ ɛmɔ koso bɛnate Kristo nipadua so ɛmɔawu bama mmeraa ne ɔ, bɔ ɔnate so ebiala te obiɛngo deɛ ɔ, bɔ ɛmɔte bɔ batingye ye bafi ewue nu ne deɛ ɔ, kyɛbɔ ɔkɔyɛ bɔ yɛkosu mmaa yɛkɔma Nyameɛ ɔ.

Romanfoɛ 8:25

Na sɛ yɛ nye la bɔ yɛnnwu ye so a, ye de yɛfa aboterɛ yɛwondɛ.

1 Korintofoɛ 7:19

Ofikyɛ bapɛ wɔ bienzua oo, bɛppɛle wɔ bienzua oo, onhia; na mmom Nyameɛ mmeraa ne aso lilɛ yeɛ ohia ɔ.

Ɛfesofoɛ 2:8

Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

Kolosefoɛ 1:6

bɔ bɛfa bɛbrɛle ɛmɔ ne anu. Na onyi, yeɛ osu mmaa wɔ wiase amukoraa, kyɛbɔ wasu mmaa wɔ ɛmɔ nu fi kyẽa bɔ ɛmɔtele ná ɛmɔnwuni Nyameɛ adom wɔ nahorɛ nu ne,

Hebrifoɛ 10:36

Odi kyɛ ɛmɔmia ɛmɔ nye, amaa ɛmɔahora bayɔ Nyameɛ apɛdeɛ ná ɛmɔ sa ahã ye bɔhyɛ ne.

Hebrifoɛ 2:1

Ye sɔ ne ati, odi kyɛ yɛsɔ nahorɛ dwirɛ bɔ yate ne anu yé ná yammini.

Yakobo 1:4

Ɛ́mɔma ɛmɔ animia ne ɔyɔ ye adwuma yie pɛpɛɛpɛ, amaa ɛmɔali mu bɔkɔɔ bɔ siitɔlɛ biala nne ɛmɔ nu ɔ.

1 Yohane 2:3

Sɛ yɛdi ye ahyɛdeɛ so a, yeɛ okyire kyɛ yɛse ye ɔ.