Luka 8:12 - AHYERƐLƐ KRONGRON

¹² Atee noa deɛ ne ole mmenia bɔ bɛte dwirɛ ne, na afei abɔnzam ba ɔbaye dwirɛ ne fi b’ahone nu kɔ, ná banne banni ma banne bɛ ngoa.

Luka 8:12 Iomraidhean Croise

Anyandera 1:29

Ofikyɛ behyili nimdeɛ, banguro kyɛ bekosuro AWURADE,

Anyandera 4:5

Sua nworɛ, sua nworɛ bɔ nu pi ɔ. Nnɛma wɔ wora fi, yeɛ nnɛyakyi me noa dwirɛ so lilɛ.

Yesaya 65:11

Nakoso ɛmɔ bɔ ɛmɔpo AWURADE, bɔ ɛmɔ wora fi me bokaa krongron ne, bɔ ɛmɔto poen bɛma bosoen bɔ ɛmɔfrɛ ye Saleɛ, bɔ ɛmɔfa nzaa mvrafra begua kwangoa nu tɛkyɛɛ bɛma bosoen bɔ ɛmɔfrɛ ye Ngrabea ɔ;

Mateo 13:19

Ebiala bɔ ɔte ahennie ne nwo dwirɛ, ná ɔnde ye bo nen, bɔnefoɛ ne ba ɔbafoti bɔ balua ye wɔ ye ahone nu ne ɔkɔ; na ɛhe gyi berɛ ma mmakaammaa bɔ beguale atee noa ne.

Mateo 13:4

Na ɔpete nen, bakaammaa ne bie ooguale atee noa, na nnomaa wale beesusole.

Marko 4:15

Mmenia biemɔ te kyɛ mmakaammaa bɔ beguale atee noa ne. Sɛ bɛte dwirɛ ne a, berɛ ne ala Abɔnzam ba, na ɔye edwirɛ bɔ balua ye bɛ nu ne kɔ.

Luka 8:11

Afei, anyandera ne bo ɛhe: Mmakaammaa ne ole Nyameɛ dwirɛ ne.

Luka 8:13

Nyɔbotaen so deɛ ne ole mmenia bɔ bɛte dwirɛ ne a, bede bɛto nu anigye so; nakoso bendira ndii, bede bedi mmerɛ kãa bie, na sɛ nzɔhwɛ mmerɛ ba a, bɛyakyi bɛ gyidie nu.

Luka 8:5

“Kuaniɛ bie hɔle kyɛ ɔkwaapete ye bakaammaa. Na ɔpete nen, ebie ooguale atee noa, na betiatiale so, na ewienu nnomaa beesusole.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.