Luka 7:7 - AHYERƐLƐ KRONGRON

⁷ na ye sɔ ati yeɛ ɔmaa mammu me nwo kyɛ mefata kyɛ ngɔwa wɔ berɛ ɔ. Nakoso wɔ de, kã edwirɛ ne, na m’akoaa ne nwo kɔsa.

Luka 7:7 Iomraidhean Croise

Edwein 107:20

Ɔsomane ye dwirɛ ne, na ɔsale bɛ anwonyerɛ, na ɔpepɛ lele bɛ fili b’amaneɛnwunɛ nu.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Marko 1:27

Na ɛhe mane bɛ mukoraa bɛ nwo dwirili bɛ, maa ɔnate so bebisabisale bɛ nwo kyɛ, “Nzikyɛ dwirɛ ɛhe? Ngyerɛkyerɛ foforɛ beni ɛhe? Ole tumi hyɛ sunzummɔne mɔ po, na betie ye.”

Luka 4:36

Na ɔyɛle bɛ mukoraa nwanwa, na besisele bɛ nwo kyɛ, “Edwirɛ beni yeɛ ɔte sɔaa ye? Ofikyɛ tumi nu ne anwoserɛ nu yeɛ ɔhyɛ sunzummɔne mɔ maa betutu befi nu ɔ!”

Luka 5:13

Na Yesu tengyɛle ye sa hane ye, na ɔhane kyɛ, “Mekuro, wɔ nwo fi!” Na berɛ ne ala, kwata ne fili ye nwo.

Luka 7:6

Na Yesu ne bɛ hɔle. Na ɔhale kãa maa opingye awuro ne anwo berɛ nen, asraafoɛ ɛyaa so panyi ne somane ye damvo mɔ maa beesele ye kyɛ, “Awurade, nnɛha wɔ nwo, ofikyɛ memvata kyɛ ɛkɔwa m’awuro ɔ;

Luka 7:8

Ofikyɛ me koso nde sona bɔ nwura tumi bo, bɔ asraafoɛ bewura me bo ɔ. Mekã mekyire ɛhe kyɛ, ‘Kɔ’ a, ɔkɔ; mekã mekyire ko koso kyɛ, ‘Bra’ a, ɔba; yeɛ mekã mekyire m’akoaa kyɛ, ‘Yɔ ɛhe’ a, ɔyɔ.”

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.

1 Samuel 2:6

AWURADE yeɛ oku, ná osa ma ngoa ɔ; ye yeɛ ɔmaa bɛkɔ ɛborɔ, ná osa maa bedwɔso befi dɔ bɛba ɔ.