Luka 7:47 - AHYERƐLƐ KRONGRON

⁴⁷ Yiti mekã mekyire wɔ, ye bɔne worawora ne, bafa bahyɛ ye, ofikyɛ wala ɔdɔ piri paa ali. Nakoso sona bɔ bafa bɔne kãa bie bahyɛ ye ne, ɔdɔ kãa bie yeɛ ɔye ye ali ɔ.”

Luka 7:47 Iomraidhean Croise

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Mika 7:19

Okosa konwu yɛ anwumvoin, okoli y’amumuyɛɛ so ngonim; na ekofindi bɛ bɔne amukoraa kogua ɛpo buma ne anu.

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Luka 7:39

Na Farasiiniɛ bɔ ɔtole ye sa frɛle ye ne, onwuni ye sɔ nen, ɔhane ye wɔ ye ti anu kyɛ, “Sɛ biaa he ɔte ngɔmhyɛlɛniɛ a, braa bɔ ɔsosɔ ye nu ye, ahaa okonwu ye suban ne brasua horɛ, ofikyɛ ɔte bɔnefoɛ.”

Luka 7:46

Amva olive ngoo ambopa me ti so, nakoso ye de, wafa sakyeɛfona wapopa me gya bo.

Luka 7:48

Na osele braa ne kyɛ, “Bafa wɔ bɔne bahyɛ wɔ.”

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Romanfoɛ 5:20

Mmeraa ne de ɔwale maa bɔne trɛle, nakoso nekaa bɔ bɔne trɛle nen, Nyameɛ adom ne trɛle maa ɔbole so.

2 Korintofoɛ 5:14

Na Kristo dɔ ne di yɛ so, ofikyɛ yɛde yɛto nu kyɛ sɛ sona ko wu mane mmenia mukoraa a, nzaade mmenia mukoraa bawu.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Ɛfesofoɛ 6:24

Bɛ bɔ befi b’ahone nu bekuro y’Awurade Yesu Kristo dwirɛ amukoraa ne, adom ɔyɛ bɛ deɛ.

Filipifoɛ 1:9

Na me mbaeɛ ole kyɛ, ɔdɔ bɔ ɛmɔle ye ne ɔkɔhɔ so konyi wɔ nimdeɛ ne ndeaseɛ amukoraa nu,

1 Timoteo 1:14

Na y’Awurade adom ne wale me so mmorosoɛ, wɔ gyidie ne ɔdɔ bɔ ɔwɔ Kristo Yesu nu ɔ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 3:18

Me ngwadaa mɔ, nnɛmɔma yɛfa yɛ noa mbaen anaa temverema fɛɛ yɛkuro mmenia dwirɛ, na mmom ɛ́mɔma yɛyɔ ye wɔ yɔleɛ nu ne nahorɛ nu.

1 Yohane 4:19

Yɛkuro ye dwirɛ, ofikyɛ ye yeɛ olili moa hurole yɛ dwirɛ ɔ.

1 Yohane 5:3

Sɛ yɛdi Nyameɛ ahyɛdeɛ so a yeɛ okyire kyɛ yɛkuro ye dwirɛ ɔ, na ye ahyɛdeɛ ne aso lilɛ koso nyɛ se.