Luka 7:40 - AHYERƐLƐ KRONGRON

⁴⁰ Yeɛ Yesu buale sele ye kyɛ, “Simɔn, maa nga edwirɛ kãa bie ngyire wɔ.” Na obisale kyɛ “Kyerɛkyerɛniɛ, nzikyɛ dwirɛ ɔ?”

Luka 7:40 Iomraidhean Croise

1 Ahemvo 2:14

Yeɛ Adoniya sele kyɛ, “Me ne wɔ baali ngɔmɔ kãa.” Na ɔhane kyɛ, “Kɔ so.”

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Malaki 1:6

Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Mateo 26:49

Na berɛ ne ala, ɔwale Yesu nwo berɛ, na ɔhane kyɛ, “Rabi, asomdwee ha wɔ oo!” Na ɔfele ye noa.

Mateo 7:22

Na sɔ kyẽa ne, mmenia pee yeɛ bekose me kyɛ, ‘Awurade, Awurade, aso yamva wɔ dumaa yanhyɛ ngɔm; aso yamva wɔ dumaa yandu sunzummɔne mɔ; aso yamva wɔ dumaa yanyɔ anwanwadeɛ pee?’

Luka 18:18

Yeɛ panyi bie bisale Yesu kyɛ, “Kyerɛkyerɛniɛ paa, nzu yeɛ nyɔ ná manya daa ngoa ɔ?”

Luka 5:22

Na Yesu nwuni b’adwene nen, obuale bɛ kyɛ, “Nzu ati yeɛ ɛmɔdwene adwene sɔ ye?

Luka 5:31

Yeɛ Yesu buale bɛ kyɛ, “Bɛ bɔ bɛte apɔ ne, benhia safoɛ, na mmom bɛ bɔ bɛnde apɔ yeɛ behia ye ɔ.

Luka 6:8

Nakoso né Yesu de ɔse b’adwene, na osele biaa bɔ ye sa ko awu ne kyɛ, “Dwɔso baagyina anyunu wa.” Na odwɔso gyinane berɛ.

Luka 7:39

Na Farasiiniɛ bɔ ɔtole ye sa frɛle ye ne, onwuni ye sɔ nen, ɔhane ye wɔ ye ti anu kyɛ, “Sɛ biaa he ɔte ngɔmhyɛlɛniɛ a, braa bɔ ɔsosɔ ye nu ye, ahaa okonwu ye suban ne brasua horɛ, ofikyɛ ɔte bɔnefoɛ.”

Luka 7:41

Na osele kyɛ, “Né mmenia nyɔ bie bɛma ebie bɔ ɔbɔ bosea ɔ kerɛ. Ko ma ye kerɛ denare ɛyaa nnu, yeɛ ko koso ma ye kerɛ aburannu.

Yohane 13:13

Ɛmɔfrɛ me Kyerɛkyerɛniɛ ne Awurade, na bɔ ɛmɔkã ne ɔte nahorɛ, ofikyɛ nde sɔ.

Yohane 16:19

Yeɛ Yesu nwuni kyɛ bɛpena kyɛ bebisa ye dwirɛ, yiti osele bɛ kyɛ, “Ɛhe nwo yeɛ ɛmɔbisabisa ɛmɔ nwo ye, kyɛ mahã kyɛ: ‘Waha kãa bie né ɛmɔnnwu me ko; yeɛ afei waha kãa bie ɛmɔkonwu me.’

Yohane 16:30

Afei de, yanwu kyɛ ɛse nningyein amukoraa, na enhia kyɛ ebie kobisa wɔ dwirɛ ɔ. Na ɛhe maa yɛde yɛdi kyɛ efi Nyameɛ berɛ yeɛ ɛwale ɔ.”

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”