Luka 7:39 - AHYERƐLƐ KRONGRON

³⁹ Na Farasiiniɛ bɔ ɔtole ye sa frɛle ye ne, onwuni ye sɔ nen, ɔhane ye wɔ ye ti anu kyɛ, “Sɛ biaa he ɔte ngɔmhyɛlɛniɛ a, braa bɔ ɔsosɔ ye nu ye, ahaa okonwu ye suban ne brasua horɛ, ofikyɛ ɔte bɔnefoɛ.”

Luka 7:39 Iomraidhean Croise

2 Ahemvo 5:20

Gehasi bɔ ɔte Nyameɛ sona Elisa somvoɛ ne, osusuli kyɛ, “Me mene ama sɔ Sirianiɛ Naaman ne, wafa ye nwo wali, ofikyɛ wanne akyɛdeɛ bɔ wafa wabrɛ ye ne. Kyɛ AWURADE te ase ye, ngɔpo ye so ngɔɔpena nikyee bie ngole ngofi ye dɔ.”

Anyandera 23:7

ofikyɛ ɔyɔ sɔ sona nye so mbaen, na ose wɔ kyɛ, “Didi ná no,” nakoso nna ye kunu ɔ.

Yesaya 65:5

mmenia bɔ bɛnwa: ‘Pingye dɔ, nnɛfa wɔ nwo kã me, ofikyɛ me de, me nwo te tra wɔ!’ Sɔ mmenia nemɔ bɛte kyɛ nwosina bɔ ɔkɔ me ti anu ɔ, bɛma m’ahone hu kyɛ see bɔ ogye daa biala ɔ.

Mateo 20:16

(Na Yesu hã toale so kyɛ,) “Yiti bɛ bɔ beli nziɛ ne, bekoli moa, yeɛ bɛ bɔ beli moa ne, bekoli nziɛ.” [Ofikyɛ bafrɛ pee, nakoso kãa bie yeɛ baneanea nu baye bɛ ɔ.]

Mateo 21:11

Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Marko 7:21

Ofikyɛ sona nu, ye ahone nu yeɛ adwenemmɔne, adwamanbɔlɛ, awue, awuelilɛ, agyaasɛkyelɛ,

Luka 12:17

Na osusuli ye nwo wɔ ye ti anu kyɛ, ‘Ɛhe de, ngɔyɛ ye sɛ koraa, ofikyɛ nnne nekaa bɔ ngɔfa me nnɔbaeɛ ne ngosie ɔ?’

Luka 15:2

Yeɛ Farasiifoɛ ne ahyerɛlɛfoɛ nemɔ bɛyɛle nwuhunwuhu kyɛ, “Biaa he ode bɔnefoɛ to nu, na osa ne bɛ bedidi.”

Luka 16:3

Na hwɛsoniɛ ne hane ye ye ti anu kyɛ, ‘Na ɛhe de, meyɛ ye sɛ, ofikyɛ me mene ɔbaale nhwɛsoɛ adwuma ne ofi me sa nu. Me nwo nyɛ se bɔ ngɔhora adwuma serɛ yɔ ɔ, yeɛ mefɛre koso kyɛ ngɔsrɛsrɛ ɔ.

Luka 18:4

Na wandɛ ye so alaa maa ɔhyɛle kãa, nakoso nziɛ ye, ɔhane ye ye ti anu kyɛ, ‘Ɔwɔ nu kyɛ menzuro Nyameɛ ná memvɛre sona de,

Luka 3:8

Ɛ́mɔbɔ bra bɔ ɔfata adwenesakyera ɔ, na nnɛma ɛmɔhyɛ ye bo bɛkekã bekyirekyire ɛmɔ nwo kyɛ, ‘Abraham te yɛ nana’; na mekã mekyire ɛmɔ kyɛ, Nyameɛ kɔhora kotingye nnomaa kofi nyɔboɛ hemɔ anu kɔma Abraham.

Luka 7:16

Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Luka 7:37

Na yieee, braa bɔnefoɛ bie bɔ né ɔwɔ kuro berɛ ɔ, ɔtele kyɛ ɔwɔ Farasiiniɛ n’awuro berɛ odidi nen, ɔfale sakyeɛfona towaa ko bɔ wayi ɔ wale,

Luka 7:38

na oogyinane Yesu si wɔ ye gya nwo berɛ, osuni, na ɔhyɛle ye bo porole moen guale ye gya so, ɔfale ye ti nwiaa nununi, ɔfele ye gya bo, na ɔfale sakyeɛfona ne popale ye gya bo.

Luka 7:40

Yeɛ Yesu buale sele ye kyɛ, “Simɔn, maa nga edwirɛ kãa bie ngyire wɔ.” Na obisale kyɛ “Kyerɛkyerɛniɛ, nzikyɛ dwirɛ ɔ?”

Yohane 4:19

Braa ne sele ye kyɛ, “Yɛ mene, menwu ye kyɛ ɛte ngɔmhyɛlɛniɛ.

Yohane 7:12

Na mmenia nemɔ yɛle nwuhunwuhu pee bɛfale ye nwo. Ebiemɔ hane kyɛ, “Ɔte sona paa.” Yeɛ ebiemɔ koso nwa, “Daabi, ɔlakalaka mmenia.”

Yohane 9:24

Yiti besa bɛfrɛle biaa bɔ mmerɛ bie né ɔte anyesiniwaaniɛ ne, na besele ye kyɛ, “Fa animnyam ma Nyameɛ! Yɛ de, yɛse kyɛ biaa he ɔte bɔnefoɛ.”