Luka 7:33 - AHYERƐLƐ KRONGRON

³³ Asubɔlɛniɛ Yohane awa, bɔ onnidi ná ɔnno nzaa ɔ, na ɛmɔnwa: ‘Ole sunzummɔne.’

Luka 7:33 Iomraidhean Croise

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Mateo 3:1

Sɔ mmerɛ ne anu, Asubɔlɛniɛ Yohane wale Yudea ɛserɛ so kyɛ ɔkã nzɛmba.

Mateo 3:4

Né Yohane wura afupɔngɔ nwiaa ataadeɛ, na né ɔbɔ nwomaa abɔsoɛ. Aleɛ bɔ né odi ole mmɛbɛ mbiri ne woɛ.

Marko 1:6

Né Yohane wura afupɔngɔ nwiaa ataadeɛ, né nwomaa abɔsoɛ bɔ ye yaase, na mmɛbɛ mbiri ne woɛ yeɛ né odi ɔ.

Luka 1:15

ofikyɛ ɔkɔyɛ sona titire wɔ Awurade nyunu, na ɔngɔno bobe nzaa anaa nzaa biala, na Sunzum Krongron koyi ye tɛkyɛ kofi oni akunu.

Luka 7:32

Bɛte kyɛ ngwadaa bɔ bɛtete dwaaso, bɔ bɛ́frɛfrɛ bɛ nwo bɛ nwo kyɛ, ‘Yɛhuli awɛen yɛhyirele ɛmɔ, na ɛmɔango; yɛbɔle awuye yɛhyire ɛmɔ, na ɛmɔanzu.’

Luka 7:34

Sona Awa ne awa, bɔ odidi ná ɔno ɔ, na ɛmɔnwa: ‘Ɛ́mɔnea, adifuu ne akɔnomnzaniɛ, ɛtoɔdidelɛfoɛ ne bɔnefoɛ adamvo!’

Yohane 10:20

Bɛ nu pee hane kyɛ, “Ole sunzummɔne, na wabɔ laen. Nzu ati yeɛ ɛmɔtie ye ɔ?”

Yohane 8:48

Yeɛ Yudafoɛ nemɔ buale ye kyɛ, “Aso nna nahorɛ yeɛ yahã ne anaa, kyɛ ɛte Samarianiɛ na ele sunzummɔne?”

Yohane 8:52

Yeɛ Yudafoɛ nemɔ sele ye kyɛ, “Afei yeɛ yanwu kyɛ ele sunzummɔne ɔ. Abraham wuli, yeɛ ngɔmhyɛlɛfoɛ nemɔ koso bewuwuli ɔ, nakoso wɔ de ɛnwa, ‘Sɛ ebie di me dwirɛ so a, ongowu le.’

Asomafoɛ 2:13

Nakoso ebiemɔ koso serele bɛ bɛhane kyɛ, “Nzaa foforɛ yeɛ wabo bɛ ɔ!”