Luka 7:29 - AHYERƐLƐ KRONGRON

²⁹ (Na mmenia amukoraa bɔ bɛtele sɔ dwirɛ nen, bɛ ne ɛtoɔdidelɛfoɛ belele Nyameɛ bɛtole nu kyɛ ye dwirɛ te nahorɛ, na bɛmaa bɛbɔle bɛ Yohane asubɔlɛ ne bie.

Luka 7:29 Iomraidhean Croise

Edwein 51:4

Wɔ ngome, wɔ ngome twe, yeɛ mayɔ bɔne matia wɔ ɔ, na mayɔ bɔ ɔte bɔne wɔ wɔ nyunu ɔ. Yiti sɛ ebua me fɔ a, ɔte turoloo, na sɛ ebua me ndɛen a, edi be.

Mateo 5:46

Na sɛ bɛ bɔ bekuro ɛmɔ dwirɛ yeɛ ɛmɔkuro bɛ dwirɛ de a, ye de nzu akatuaa yeɛ ɛmɔkonya ɔ? Ɛtoɔdidelɛfoɛ po, aso nna sɔ ala yeɛ bɛyɔ ɔ?

Luka 20:6

Yeɛ sɛ yɛkã kyɛ, ‘Ofi mmenia berɛ’ a, mmenia ne amukoraa bɛkɔboro yɛ nyɔboɛ; ofikyɛ bede bedi amba kyɛ Yohane te ngɔmhyɛlɛniɛ.”

Luka 3:12

Na ɛtoɔdidelɛfoɛ koso bɛwale kyɛ ɔbɔ bɛ asu, na bebisale ye kyɛ, “Kyerɛkyerɛniɛ, nzu yeɛ odi kyɛ yɛyɔ ɔ?”

Luka 7:28

Na mekã mekyire ɛmɔ kyɛ, bɛ bɔ mmrasua awo bɛ amukoraa, bɛ nu biala nne berɛ bɔ odi mu tra Yohane ɔ; nakoso bɔ ɔte kãa koraa wɔ Nyameɛ ahennie ne anu ne, odi mu tra ye.”

Luka 7:35

Nakoso nworɛ ye mma mukoraa bebua ye be.”

Asomafoɛ 18:25

Bɛfale Awurade Atee so yeɛ behyirele ye nikye ɔ, na ɔnate kyɛ ɔyɛ se wɔ sunzum nu ne ati, odwudwole, na ohyirehyirele Yesu nwo dwirɛ turoloo; ɔwɔ nu kyɛ né Yohane asubɔlɛ ne angome yeɛ ɔse ɔ.

Asomafoɛ 19:3

Na Pɔɔlo bisale bɛ kyɛ, “Nzaade né nzikyɛ asubɔlɛ yeɛ bɛfa bɛbɔle ɛmɔ ɔ?” Na bebuale kyɛ, “Yohane asubɔlɛ ne.”

Romanfoɛ 10:3

Ofikyɛ bɛnze atee bɔ Nyameɛ fa so siesie ye ne mmenia b’afia ɔ, na mmom bɛyɛle kyɛ bɛkɔfa bɛ bɔbɔ bɛ tenenee atee so; yiti bammrɛ bɛ nwo ase bamma Nyameɛ atee bɔ ɔfa so yɛ kuro sona teneneeniɛ ne.

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 16:5

Na ndele kyɛ nzue mɔ so abɔfo ne ɔkã kyɛ, “O Krongronniɛ, wɔ bɔ ɛwɔ berɛ, ná ɛwɔ berɛ fi tetetete ɔ, ɛtengyɛ, ofikyɛ sɔ yeɛ abua ndɛen ɔ.

Maenbulɛfoɛ 1:7

Yeɛ Adoni Beseke sele kyɛ, “Ahemvo aburasoo, bɔ mapepɛ bɛ sa kokotire ne bɛ gya kokotire, yeɛ né bɛsesa m’aleɛ bo mboporowa bedi ɔ. Bɔ mayɔ ne yeɛ Nyameɛ atua me so kerɛ ɔ.” Bɛfale ye bɛwale Yerusalem, na berɛ yeɛ owuli ɔ.