Luka 7:25 - AHYERƐLƐ KRONGRON

²⁵ Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Sona bɔ owura ndaadeɛ nyemenenyemene anaa? Ɛ́mɔtie, bɛ bɔ bewura ndaadeɛ paa ná banya asetena nu anigye ne de, ahemvie yeɛ bɛwɔ ɔ!

Luka 7:25 Iomraidhean Croise

2 Samuel 19:35

Kekesaala ye, mali afoɛ aburawɔtwɛ. Nikyee bɔ ɔyɛ nyemene ne, ɔne bɔ ɔnyɛ nyemene ne, mennwu nu nzonzoleɛ ko. Aleɛ ne anonneɛ mɔ nyɛ me fɛ ko. Yeɛ sɛ mmenia bɛto dwein a, mende ye yé. Yiti Nana, me mene, nzu ati yeɛ ɔsɛ kyɛ wɔ somvoɛ meyɛ wɔ so tɔsom ɔ?

1 Ahemvo 10:5

ye poen so aleɛ, kyɛbɔ ye mbanyi nemɔ besi bɛtenatena bɛpɛ ye nwo beyia, kyɛbɔ ye somvoɛ nemɔ besi bɛso ye, bɛ ndaadeɛ, ye nzaasulɛfoɛ, ye naen yeralɛ afɔleɛ bɔ ɔbɔle ye wɔ AWURADE awuro ne anu ne, ye nwo dwirili ye.

2 Ahemvo 1:8

Bebuale ye kyɛ, “Ye ataadeɛ ne te nwomaa bɔ nwiaa wɔ so ɔ, na wabɔ nwomaa abɔsoɛ.” Yeɛ Ahasia hane kyɛ, “Tisibeniɛ Elia ɔ.”

Ɛseta 1:11

kyɛ bɛɛfa Nana hemmaa Wasiti bɛbra ye nyunu. Ɔnwa ɔsɛ kyɛ Nana hemmaa ne ɔbɔ ahennie abotire; bɔ ɔkɔma mmenia ne ye mbanyi mɔ bekonwu ye anwonyemene ɔ, ofikyɛ né ye nwo yɛ nyemene.

Ɛseta 1:3

Olili bia ne, ye afoɛ nza ne anu, ɔtole poen mane ye mbanyi ne ye somvoɛ amukoraa. Ɔtole ye sa frɛle Pɛsia ne Media safohene mɔ, atitirefoɛ ne manzini amrado mɔ maa bɛwale ye bo bie.

Ɛseta 4:2

Ɔhɔle alaa oodwuli ahemvie anoa nu berɛ, ofikyɛ né mmeraa mma ate mma ebiala ngera ɛsɛen tena onwura ahemvie berɛ.

Ɛseta 5:1

Ye ɛlɛsa ne aso, Ɛseta wurale ye ɛhemmaa ndaadeɛ, na oogyinane ahemvie ne akunu dɔ, wɔ Nana Ahasuro asaso ndendeneɛ so. Né Nana Ahasuro ɔte ye ahennie bia so wɔ ahemvie berɛ, wɔ ahemvie anoa ne ndendeneɛ so.

Ɛseta 8:15

Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Yesaya 59:17

Ofikyɛ ɔfale tenenee wurale kyɛ buralɛ bɔ ɔkata bɛ hue so ɔ, yeɛ ɔfale ngoalelɛ buralɛ kyerɛ wurale ye ti; ɔfale wereɛtɔlɛ ataadeɛ wurale, na ɔfale nungunɛhwenɛ herale kyɛ ɛtena.

Mateo 11:8

Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Sona bɔ owura ndaadeɛ nyemenenyemene anaa? Ɛ́mɔtie, bɛ bɔ bewura ndaadeɛ nyemenenyemene ne de, ahemvo mɔ b’awuro yeɛ bɛte ɔ.

Mateo 3:4

Né Yohane wura afupɔngɔ nwiaa ataadeɛ, na né ɔbɔ nwomaa abɔsoɛ. Aleɛ bɔ né odi ole mmɛbɛ mbiri ne woɛ.

Mateo 6:29

Nakoso mekã mekyire ɛmɔ kyɛ, Solomon animnyam amukoraa nu ne po, ye anwosiesie ne ando ɛhemɔ anu ko po.

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Luka 7:24

Na Yohane bɔfoɛ nemɔ hɔle ne, ɔhyɛle ye bo hane edwirɛ bɔ ɔfa Yohane nwo ɔ hyirele ɛlɔen ne kyɛ, “Nzikyɛ yeɛ ɛmɔsili nu bɛhɔle ɛserɛ so dɔ bɛɛneane ɔ? Elemmire bɔ mvrama wosowoso ye anaa?

Luka 7:26

Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Ngɔmhyɛlɛniɛ anaa? Yoo, mekã mekyire ɛmɔ kyɛ, ɔtra ngɔmhyɛlɛniɛ po.