Luka 7:17 - AHYERƐLƐ KRONGRON

¹⁷ Na ye nwo dwirɛ trɛ hɔle Yudea amukoraa ne aseɛ mɔ bɔ bapɛ ye nwo bayia ne amukoraa so.

Luka 7:17 Iomraidhean Croise

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Mateo 9:26

Na sɔ dwirɛ ne trɛ hɔle mbɔtam berɛ amukoraa.

Mateo 9:31

Nakoso befili berɛ ne, bɛbɔle Yesu nwo dawure wɔ mbɔtam berɛ amukoraa.

Marko 1:28

Na berɛ ne ala, Yesu nwo dwirɛ trɛ hɔle mbɔtam bɔ bapɛ Galilea nwo bayia ne amukoraa nu.

Marko 6:14

Ɛhene Herode tele Yesu nga, ofikyɛ né Yesu dumaa adwu dede. Na ɔhane kyɛ, “Yohane bɔ né ɔbɔ asu ne watingye wafi awufoɛ nu, yiti yeɛ ɔmaa ole tumi ɔyɔ anwanwadeɛ hemɔ ye.”

Luka 4:14

Yesu nate Sunzum tumi so sa wale Galilea, na ye nwo dwirɛ trɛ hɔle mbɔtam berɛ amukoraa bra yiale.

Luka 7:14

Na ɔɔfale ye sa hane efui alaka ne, na bɛ bɔ bɛsõ alaka ne begyinane. Na ɔhane kyɛ, “Aberandeɛ, mekã mekyire wɔ kyɛ, dwɔso!”