Luka 7:16 - AHYERƐLƐ KRONGRON

¹⁶ Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Luka 7:16 Iomraidhean Croise

Edwein 65:9

Ɛba bapasa aseɛ ye anwo, na eguagua so nzue, ɛmaa nningyein paa ba so. Nyameɛ asue ne, nzue ayi ye to, ɛmaa yɛnya aleɛ yɛdi, ofikyɛ wɔ yeɛ ahyehyɛ ye sɔ ɔ.

Ɛksadɔso 4:31

Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Mateo 15:31

Yiti ɔyɛle ɛlɔen ne nwanwa, mmerɛ bɔ benwuni kyɛ emumu dwudwo, ná mbakye nwo asa, ná mmubuafoɛ nate, ná anyesiniwaafoɛ benwu nikye ne; na bɛhyɛle Yisrael Nyameɛ animnyam.

Mateo 21:11

Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Mateo 28:8

Yiti bele esuronyi ne anigye befili asieleɛ ne aso ndɛndɛ bɛhɔle; na betuli amirika bɛɛbɔle ye asuafoɛ nemɔ amaneɛ.

Mateo 9:8

Na ɛlɔen ne nwuni ye sɔ nen, ɔyɛle bɛ nwanwa, na bɛhyɛle Nyameɛ bɔ wafa sɔ tumi ne wama mmenia ne animnyam.

Luka 1:65

Na ɛserɛ hane mandamu berɛ ama amukoraa. Na sɔ dwirɛ nemɔ trɛ hɔle Yudea mmokaa maen ne anu amukoraa.

Luka 1:68

“Animnyam hã Awurade, Yisrael Nyameɛ ne, ɔnate kyɛ waapasa ye maen nwo, na wapɔ ye wale ye,

Luka 19:44

bekodwiri wɔ bekogua ase, ɛne wɔ mma bɔ bɛwɔ wɔ nu ne, na bɛngɔyakyi nyɔboɛ bɔ ogyi nyɔboɛ so ɔ wɔ wɔ nu; ɔnate kyɛ annwu mmerɛ bɔ ɔlole wɔ ɔɔneane wɔ ne.”

Luka 2:20

Na mmoaenneafoɛ nemɔ besa bɛhɔle, na bɛhyɛle Nyameɛ animnyam bɛyele ye ayɛ wɔ bɔ benwuni ye ɔne bɔ bate ne amukoraa nwo, bɔ ɔte kyɛbɔ bɛhã behyirele bɛ ne pɛpɛɛpɛ ɔ.

Luka 24:19

Na obisale bɛ kyɛ, “Nzikyɛ dwirɛ ɔ?” Na bebuale ye kyɛ, “Ɔfa Nasarɛteniɛ Yesu bɔ ɔte ngɔmhyɛlɛniɛ bɔ ole tumi wɔ nnwumaa ne edwudwolɛ nu, wɔ Nyameɛ ne maen ne amukoraa nyunu nwo,

Luka 5:26

Na ɔyɛle bɛ mukoraa nwanwa, na bɛyele Nyameɛ ayɛ; ɛserɛ hane bɛ, na bɛhane kyɛ, “Ɛnɛ de, yanwu edwirɛ bɔ ɔyɛ nwanwa ɔ!”

Luka 5:8

Na Simɔn nwuni ye sɔ nen, obuli ndwerɛ Yesu nyunu berɛ hane kyɛ, “O Awurade, fi me nwo wa kɔ, ofikyɛ nde sona bɔnefoɛ.”

Luka 7:15

Na bɔ wawu ne tenane berɛ, na ɔhyɛle ye bo dwudwole, na Yesu fale ye mane oni.

Luka 7:39

Na Farasiiniɛ bɔ ɔtole ye sa frɛle ye ne, onwuni ye sɔ nen, ɔhane ye wɔ ye ti anu kyɛ, “Sɛ biaa he ɔte ngɔmhyɛlɛniɛ a, braa bɔ ɔsosɔ ye nu ye, ahaa okonwu ye suban ne brasua horɛ, ofikyɛ ɔte bɔnefoɛ.”

Luka 8:37

Na mmenia amukoraa bɔ bɛwɔ Gerasafoɛ mbɔtam berɛ ne, bɛsrɛle Yesu kyɛ ofi bɛ berɛ hɔ; ofikyɛ né ɛserɛ piri atɔ bɛ so. Yiti ɔfole ɛlɛen ne anu osa hɔle.

Luka 9:19

Na bebuale kyɛ, “Asubɔlɛniɛ Yohane; nakoso ebiemɔ bɛnwa Elia; yeɛ ebiemɔ koso bɛnwa daa tete ngɔmhyɛlɛfoɛ nemɔ nu ko yeɛ wadwɔso ɔ.”

Yohane 1:21

Na bebisale ye kyɛ, “Nzaade, nwa ole wɔ? Wɔ ole Elia anaa?” Na obuale kyɛ, “Nna me ole ye.” Na besa bebisale kyɛ, “Wɔ ole ngɔmhyɛlɛniɛ ne anaa?” Na obuale kyɛ, “Daabi.”

Yohane 1:25

bebisale ye kyɛ, “Na sɛ nna wɔ ole Kristo ne, anaa Elia, anaa ngɔmhyɛlɛniɛ ne a, né nzu ati yeɛ ɛ́bɔ asu ɔ?”

Yohane 4:19

Braa ne sele ye kyɛ, “Yɛ mene, menwu ye kyɛ ɛte ngɔmhyɛlɛniɛ.

Yohane 6:14

Na mmenia ne nwuni sɛngyerɛnneɛ bɔ ɔyɔle nen, bɛhane kyɛ, “Amba, ngɔmhyɛlɛniɛ bɔ ɔ́ba wiase ne, ye ɛhe!”

Yohane 9:17

Yiti besa bebisale anyesiniwaaniɛ ne kyɛ, “Wɔ koso, nzikyɛ yeɛ ɛkã fa ye nwo ɔ, ye bɔ ɔtele wɔ nye ne?” Na osele kyɛ, “Ɔte ngɔmhyɛlɛniɛ.”

Asomafoɛ 5:5

Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

Asomafoɛ 7:37

Mose komapɛ ne ala yeɛ ɔhã hyirele Yisraelfoɛ kyɛ, ‘Nyameɛ kɔsoma ngɔmhyɛlɛniɛ bɔ ɔte ɛmɔ aliɛma ɔ maa ɔkɔwa ɛmɔ berɛ, kyɛbɔ wasoma me ne.’

Galatiafoɛ 1:24

Na ɔnate me ti bɛhyɛle Nyameɛ animnyam.

Deuteronomi 18:15

AWURADE wɔ Nyameɛ kɔye ngɔmhyɛlɛniɛ bɔ ɔte kyɛ me kofi eliɛma nemɔ nu, kofi wɔ nu kɔma wɔ, na ye yeɛ ɔsɛ kyɛ ɛmɔtie ye ɔ.