Luka 7:14 - AHYERƐLƐ KRONGRON

¹⁴ Na ɔɔfale ye sa hane efui alaka ne, na bɛ bɔ bɛsõ alaka ne begyinane. Na ɔhane kyɛ, “Aberandeɛ, mekã mekyire wɔ kyɛ, dwɔso!”

Luka 7:14 Iomraidhean Croise

1 Ahemvo 17:21

Na ɔtengyɛle ye nu butuli akwadaa ne aso pɛen nza, na ɔteane nu hã hyirele AWURADE kyɛ, “O AWURADE me Nyameɛ, ma akwadaa ye osa onya ngoa bieku.”

1 Ahemvo 17:22

AWURADE tiele Elia dwirɛ ne. Ngoa sa wale akwadaa ne anu, na ye nye so tetele ye.

YOB NWOMAA NE 14:12

sɔ ala yeɛ dasaniɛ da berɛ, bɔ ondwɔso ko ɔ. Na anwuro onnya ɔppɛle nu ye de, bengotingye, yeɛ bengotingye bɛ ngofi bɛ nnaa nu.

YOB NWOMAA NE 14:14

Sɛ dasaniɛ wu a, ɔkɔtena ngoa nu bieku anaa? Koɛ noa bɔ ngyi wɔ m’asetena nu ye, ngɔnwondɛ, kɔpem kyɛ ngɔpɔno ngole me nwome ɔ.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Marko 5:41

Ɔsɔle akwadaa ne sa, na osele ye kyɛ, “Talita kumi!” bɔ ye bo kyire kyɛ, “Abaayaa, mekã mekyire wɔ kyɛ, dwɔso!”

Luka 7:13

Na Awurade nwuni braa ne nen, ɔyɛle ye anwumvo, na osele ye kyɛ, “Nnɛsũ!”

Luka 7:15

Na bɔ wawu ne tenane berɛ, na ɔhyɛle ye bo dwudwole, na Yesu fale ye mane oni.

Luka 7:17

Na ye nwo dwirɛ trɛ hɔle Yudea amukoraa ne aseɛ mɔ bɔ bapɛ ye nwo bayia ne amukoraa so.

Yohane 11:25

Na Yesu sele ye kyɛ, “Me ole ewutingyelɛ ne ɔne ngoa ne; ebiala bɔ ode me di ne, sɛ owu po a, okonya ngoa.

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Romanfoɛ 4:17

kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana.

Ɛfesofoɛ 5:12

Ofikyɛ bra bɔ bɛbɔ ye mvealeɛ nu ne, ɔyɛ nya kyɛ ɛmɔkɔfa ɛmɔ noa bɛkɔbɔ so ɔ.