Luka 7:13 - AHYERƐLƐ KRONGRON

¹³ Na Awurade nwuni braa ne nen, ɔyɛle ye anwumvo, na osele ye kyɛ, “Nnɛsũ!”

Luka 7:13 Iomraidhean Croise

Edwein 103:13

Kyɛbɔ seɛ si nwu ye mma anwumvoin ne, sɔ ala yeɛ AWURADE nwu bɛ bɔ besuro ye ɔ anwumvoin ɔ.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Marko 8:2

“Mmenia wora ye, bɛyɛ me anwumvo, ofikyɛ bali me nwo wa ɛlɛsa ɛhe, na belle nikye fee benni.

Luka 10:1

Na ɛhemɔ asi ne, Awurade yele mmenia aburasoo bieku, na ɔsomane bɛ nyɔ nyɔ maa belili ye nyunu moa bɛhɔle nguro biala ne nekaa biala bɔ ye bɔbɔ ɔbaahɔ berɛ ɔ so.

Luka 11:1

Na ɔwale kyɛ, né Yesu wɔ nekaa bie ɔbɔ mbaeɛ, na oyiele nen, ye asuafoɛ nemɔ anu ko sele ye kyɛ, “Awurade, kyire yɛ mbaeɛbɔlɛ, kyɛbɔ Yohane koso ohyirele ye asuafoɛ nemɔ ne.”

Luka 11:39

Na Awurade sele ye kyɛ, “Ɛmɔ Farasiifoɛ de, ɛmɔnwunzi kwangoa ne prɛte nwo, nakoso ɛmɔ nu de, apoo ne bɔne yɔleɛ ayi ye tɛkyɛ.

Luka 12:42

Na Awurade buale kyɛ, “Nwa ole awuro so neafoɛ nahorɛniɛ ne nworɛniɛ ne, bɔ ye mene kɔfa ye awuro berɛ ngoaa mɔ kowura ye sa, kyɛ ɔma bɛ b’aleɛ wɔ mmerɛ bɔ ɔsɛ ɔ nu ɔ?

Luka 13:15

Yeɛ Awurade buale ye kyɛ, “Nyaatwomfoɛ! Ɛmɔ nu nwa yeɛ ɔnzangye ye nandwie anaa ye afunum mvi nekaa bɔ odidi ɔ afofikyẽa, ná ɔmva ye ngɔ maa ɔngɔno nzue ɔ?

Luka 17:5

Na asomafoɛ nemɔ sele Awurade kyɛ, “Ma yɛ gyidie onyi!”

Luka 17:6

Na Awurade buale kyɛ, “Sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhora bɛkɔhã bekohyire akyea he kyɛ, ‘Wɔ bo tutu, ná kogyina ɛpo nu!’ Na okotie ɛmɔ.

Luka 18:6

Na Awurade toale so hane kyɛ, “Ndɛenbualɛniɛ bɔ ɔndengyɛ ne, ɛ́mɔtie edwirɛ bɔ ɔkã!

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”

Luka 22:61

Na Awurade pɛle ye nye neane Petro nyunu, na Petro kayele Awurade dwirɛ bɔ ɔhã hyirele ye kyɛ, “Ɛnɛ, akɔ ngɔbɔ né ahã ye pɛen nza kyɛ ɛnze me” ne.

Luka 24:3

na bewurale nu, nakoso bannwu Awurade Yesu fuin ne berɛ.

Luka 24:34

bɔ begu so bɛkã kyɛ, “Awurade adwɔso amba, na waye ye nwo ali wahyire Simɔn.”

Luka 7:12

Na opingyele kuro berɛ pambim ne anwo nen, yieee, né bɛsõ biaa bie bɔ wawu ɔ, bɔ ɔte oni bahorɛ ɔ bɔ bɛfa ye befite ɔ. Né braa ne te kunaniɛ, na né kuro berɛ ama pee bɛboka ye so yeɛ bɛ́kɔ ɔ.

Luka 7:14

Na ɔɔfale ye sa hane efui alaka ne, na bɛ bɔ bɛsõ alaka ne begyinane. Na ɔhane kyɛ, “Aberandeɛ, mekã mekyire wɔ kyɛ, dwɔso!”

Luka 7:19

Na Yohane frɛle ye asuafoɛ nemɔ anu nyɔ somane bɛ wɔ Awurade berɛ, kyɛ beebisa ye kyɛ, “Aso wɔ ole bɔ ɔ́ba ne, anaa odi kyɛ yɛnea foforɛ ate?”

Luka 8:52

Né mmenia ne amukoraa bɛbɔ awuye besu ye. Nakoso Yesu hane kyɛ, “Nnɛma ɛmɔsu, ofikyɛ owwuli, na mmom walafe!”

Yohane 11:2

Maria he yeɛ ɔfale sakyeɛfona popale Awurade, ná ɔfale ye ti nwiaa nununi ye gya bo ne, na oliɛma Lasarɔso yeɛ né anwonyerɛ abɔ ye ne.

Yohane 11:3

Yiti oliɛma mmrasua nemɔ bɛsomane maa bɛwale Yesu berɛ beesele ye kyɛ, “Yieee, Awurade, bɔ ekuro ye dwirɛ ne, anwonyerɛ abɔ.”

Yohane 20:13

Na bebisale ye kyɛ, “Mmobraa, nzu ati yeɛ esu ye?” Na obuale bɛ kyɛ, “Bafa m’Awurade bahɔ ti ɔ, na menze nekaa bɔ bafa ye baato ɔ!”

Yohane 20:15

Yeɛ Yesu bisale ye kyɛ, “Mmobraa, nzu ati yeɛ esu ye? Ɛpena nwa?” Na ye de, osusuli kyɛ turo ne anu berɛ neafoɛ ne ɔ, yiti obuale ye kyɛ, “Me mene, sɛ afa ye afi wa a, kyire me nekaa bɔ afa ye aato ɔ, ná ngɔmva ye ngɔ.”

Yohane 4:1

Afei Yesu nwuni kyɛ Farasiifoɛ nemɔ bate kyɛ ye, Yesu, ogu so onya asuafoɛ pee, ná ɔbɔ mmenia pee asu ɔtra Yohane.

Yohane 6:23

Nakoso ɛlɛen biemɔ fili Tiberia bɛwale bepingyele nekaa bɔ Awurade lale ase, ná belili paanoo ne.

1 Korintofoɛ 7:30

bɛ bɔ besũ ne, odi kyɛ bɛbɔ bɛ bra kyɛ benzũ ɔ; bɛ bɔ bɛ nye agye ne, odi kyɛ bɛbɔ bɛ bra kyɛ bɛ nye ɔggyele ɔ; bɛ bɔ bɛtɔ nningyein ne, odi kyɛ bɛbɔ bɛ bra kyɛ belle huu ɔ;

1 Tɛsalonikafoɛ 4:13

Aliɛmaa mɔ, yɛkuro kyɛ ɛmɔnwu nahorɛ bɔ ɔfa bɛ bɔ balela nemɔ anwo, ná ɛmɔ wora ammɔ kyɛ mmenia bɔ baha bɔ belle anyelasoɛ ne.

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.