Luka 7:12 - AHYERƐLƐ KRONGRON

¹² Na opingyele kuro berɛ pambim ne anwo nen, yieee, né bɛsõ biaa bie bɔ wawu ɔ, bɔ ɔte oni bahorɛ ɔ bɔ bɛfa ye befite ɔ. Né braa ne te kunaniɛ, na né kuro berɛ ama pee bɛboka ye so yeɛ bɛ́kɔ ɔ.

Luka 7:12 Iomraidhean Croise

Gyenesise 22:12

Na ɔhane kyɛ, “Nnɛfa wɔ sa ka akwadaa ne, yeɛ nnɛyɔ ye hwee, ofikyɛ afei de manwu kyɛ esuro Nyameɛ, na amva ɛwa komapɛ twe ne ammɔ me aheɛ.”

Gyenesise 22:2

Na Nyameɛ sele kyɛ, “Fa ɛwa ne, ɛwa komapɛ twe Yisake, bɔ ɔla w’ahone nwo ne, kɔ Moria aseɛ so, ná fa ye bɔ naen yeralɛ afɔleɛ wɔ berɛ, wɔ mmokaa nemɔ nu ko bɔ ngohyire wɔ ne aso.”

2 Samuel 14:7

Na abusua ne amukoraa badwɔso w’afaneɛ so kyɛ, ‘Ko bɔ wabɔ oliɛma wahũ ye ne, ye ye bra ma yɛhu ye bie yɛtua kerɛ, ɔmva ye nwo kyɛ koliagyaa ne yeɛ yɛku ye yɛfi berɛ ɔ.’ Nana, bɛpena kyɛ benua me gyetia ko bɔ waha ne, na ɛhe kɔma me hu dumaa anaa ye boso konunu kofi aseɛ ye aso.”

1 Ahemvo 17:12

Nakoso braa ne buale kyɛ, “Kyɛ AWURADE wɔ Nyameɛ te ase ye, nnne aleɛ biala wɔ berɛ, sana esam me sa bum ko bɔ ɔwɔ kukue nu, yeɛ ngoo kaaba bie bɔ ɔwɔ towaa nu ɔ. Mebaapena eyein kãa mefa mekɔ awuro mekɔyɛ aleɛ maa me ne mma yɛdi. Sɛ yɛdi yɛyie a, ɛhɔen yeɛ okohu yɛ maa yɛkowu ɔ.”

1 Ahemvo 17:18

Yeɛ braa ne sele Elia kyɛ, “Nyameɛ sona, nzikyɛ dwirɛ yeɛ afa ali me ye? Ɛwale wa kyɛ ɛbaakaye me me bɔne, ná ɛma mma ne wu anaa?”

1 Ahemvo 17:23

Elia pagyale akwadaa ne fili aborɔsaen ne aso pumbu ne anu dɔ odwu wale ase. Ɔfale akwadaa ne mane oni, na Elia hane kyɛ, “Nea, ɛwa ne anya ngoa.”

1 Ahemvo 17:9

“Kɔ Sarefate bɔ ɔwɔ Sidon mbɔtam nu ne kekesaala ye kɔtena dɔ; ofikyɛ mafa ahyɛdeɛ mama braa bie wɔ dɔ kyɛ ɔma wɔ aleɛ.”

2 Ahemvo 4:16

Na Elisa sele kyɛ, “Afoɛ bieku bekye sua, ɛkɔfa ɛwa kɔto wɔ gya so.” Yeɛ braa ne buale kyɛ, “Daabi, me mene, Nyameɛ sona, nnɛlakalaka w’afaneɛ.”

2 Ahemvo 4:20

Ɔpagyale ye ɔɔmane ye maame. Akwadaa ne lale ye maame gya so toonn maa oodwuli eyia, na owuli.

YOB NWOMAA NE 29:13

Mmenia bɔ né bɛwɔ anwokyere piri paa nu ne, beyirayirale me, na mmane akunafoɛ mmrasua bɛ wora kyekyele.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Luka 7:11

Na ɔwale kyɛ, aleɛ hyene ne, Yesu hɔle kuro bie bɔ bɛfrɛ ye Neen so; na ye asuafoɛ nemɔ ne mmenia pee bɛ ne ye hɔle.

Luka 7:13

Na Awurade nwuni braa ne nen, ɔyɛle ye anwumvo, na osele ye kyɛ, “Nnɛsũ!”

Luka 8:42

ofikyɛ né ɔwa brasua komapɛ bɔ wali afoɛ kɔyɛ buru ne nyɔ ɔ ɔla wusu. Na Yesu ɔkɔ nen, ɛlɔen ne hyerele ye so.

Luka 8:52

Né mmenia ne amukoraa bɛbɔ awuye besu ye. Nakoso Yesu hane kyɛ, “Nnɛma ɛmɔsu, ofikyɛ owwuli, na mmom walafe!”

Yohane 11:19

na né Yudafoɛ pee bawa berɛ kyɛ bɛbaayɛ Maata ne Maria yaakɔ, ɔnate b’eliɛma ne ati.

Asomafoɛ 9:39

Yiti Petro dwɔsole, na ɔne bɛ hɔle. Oodwuli berɛ, na bɛne ye hɔle aborɔsaen ne aso. Yeɛ akunafoɛ mmrasua ne amukoraa beegyinagyinane ye nwo berɛ bɔ né besũ ɔ, na bɛfale ndaadeɛ ne ndena bɔ Dɔkase pombale wɔ mmerɛ bɔ né ɔne bɛ wɔ berɛ ne behyirele ye.

Asomafoɛ 9:41

Petro sɔle ye sa maa odwɔso gyinane berɛ. Na ɔfrɛle agyidifoɛ nemɔ, akunafoɛ mmrasua nemɔ koso boka so, na ɔfale bɔ wawu watingye ne mane bɛ.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.