Luka 6:8 - AHYERƐLƐ KRONGRON

⁸ Nakoso né Yesu de ɔse b’adwene, na osele biaa bɔ ye sa ko awu ne kyɛ, “Dwɔso baagyina anyunu wa.” Na odwɔso gyinane berɛ.

Luka 6:8 Iomraidhean Croise

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

YOB NWOMAA NE 42:2

“Mese kyɛ ɛkora yɔ nikyee biala, na ebiala ngɔhora ngosi wɔ nhyehyɛleɛ ate.

Edwein 44:21

aso ahaa Nyameɛ ongonwu ye anaa? Ofikyɛ ye yeɛ ɔse sona ti anu mvealeɛ dwirɛ ɔ.

Yesaya 42:4

Ye de, ongogye monɛɛmonɛɛ, yeɛ ye abasa nu ngobu, kɔpem kyɛ ɔkɔma ndɛenbualɛ turoloo kotira ndii wɔ aseɛ so ɔ, na supɔ mɔ bɛnwondɛ ye mmeraa ne.

Mateo 9:4

Nakoso Yesu nwuni b’adwene, na ɔhane kyɛ, “Nzu ati yeɛ ɛmɔdwene adwene tɛɛ sɔ ɔ?

Marko 3:3

Yeɛ osele biaa bɔ ye sa ko awu ne kyɛ, “Baagyina anyunu wa.”

Luka 13:12

Na Yesu nwuni ye ne, ɔfrɛle ye sele ye kyɛ, “Mmobraa, wɔ nwo asande wɔ afi w’anwonyerɛ ne anu!”

Luka 5:22

Na Yesu nwuni b’adwene nen, obuale bɛ kyɛ, “Nzu ati yeɛ ɛmɔdwene adwene sɔ ye?

Luka 6:9

Yeɛ Yesu sele bɛ kyɛ, “Mébisa ɛmɔ, aso mmeraa ma ate kyɛ yɛyɔ paa anaakyɛ bɔne afofikyẽa, kyɛ yɛkole ebie ngoa anaakyɛ yɛkohu ye ɔ?”

Yohane 2:25

yiti onhia kyɛ ebiala koli sona nwo adanzeɛ kohyire ye ɔ, ɔnate kyɛ ye bɔbɔ ɔse mmenia mukoraa ahone nu dwirɛ.

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Yohane 9:4

Na mmerɛ bɔ alehyeleɛ wɔ berɛ ye de, ɔsɛ kyɛ yɛyɔ bɔ ɔsomane me ne nnwumaa; na alesaleɛ ɔ́ba bɔ ebiala ngɔhora ngɔyɔ adwuma ɔ.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 26:26

Ofikyɛ Nana se sɔ dwirɛ hemɔ amu, na masi m’ahone yeɛ mekã mekyire ye ɔ; yeɛ mede medi koso kyɛ ɛhemɔ nu biala nne berɛ bɔ ɔnze ɔ, ɔnate kyɛ banyɔ ɛhemɔ nu biala wɔ mvealeɛ nu.

Filipifoɛ 1:28

bɔ ɛmɔmma ɛmɔ pɔfoɛ mɔ bennwunanwuna ɛmɔ wɔ nikyee biala nu ɔ. Na ɛhe te eminilɛ bɔ bekomini ne nwo nzɛngyerɛnneɛ ma bɛ; nakoso ɛmɔ de, ɔte ngoalelɛ bɔ ofi Nyameɛ berɛ ma ɛmɔ.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

1 Petro 4:1

Na kyɛbɔ ɔnate yɛ ti yeɛ Kristo nwuni amaneɛ wɔ anwoɔnaen nu ne, ɛmɔ koso, ɔsɛ kyɛ ɛmɔnya sɔ adwene ne ná ɛmɔmia ɛmɔ nye; ofikyɛ ebiala bɔ wanwu anwoɔnaen nu amaneɛ ne, wayakyi bɔne yɔlɛ;

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.