Luka 6:6 - AHYERƐLƐ KRONGRON

⁶ Afofikyẽa bieku, Yesu hɔle nyianu sua nu ɔɔyɛle ngyerɛkyerɛ. Né biaa bie wɔ berɛ bɔ ye sa famaa awu ɔ.

Luka 6:6 Iomraidhean Croise

1 Ahemvo 13:4

Nana Yeroboam tele edwirɛ bɔ Nyameɛ sona ne hã tiale afɔleɛ bokyea bɔ ɔwɔ Betel nen, Yeroboam tengyɛle ye sa fili afɔleɛ bokyea ne aso sele kyɛ, “Ɛ́mɔhye ye!” Nakoso ye sa bɔ ɔtengyɛle fa hyirele ye so ne, ɔnwenwene bɔ wangora wandwe wanza ɔ.

Sakaria 11:17

Mmoaenneafoɛ tɛɛ bɔ ɔto mmoaen nemɔ asaworam ne, ye yaakɔ! Ngrandɛ kɔpɛ ye sa, yeɛ okotu ye nye famaa. Ye sa kowu bɔkɔɔ, na ye nye famaa kosi bɔkɔɔ.”

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Luka 13:10

Afofikyẽa bie, né Yesu ɔyɛ ngyerɛkyerɛ wɔ nyianu sua nemɔ ko anu.

Luka 14:3

Na Yesu bisale mmeraa nwo nimdeɛfoɛ ne Farasiifoɛ nemɔ kyɛ, “Aso yɛ mmeraa ma ate kyɛ yɛsa anwonyerɛ afofikyẽa anaakyɛ ɔmma ate?”

Luka 4:16

Yesu hɔle Nasarɛte, nekaa bɔ bɛtetele ye ne; na afofikyẽa ne, kyɛbɔ ɔyɔ ye daa ne, ɔhɔle nyianu sua nu. Na odwɔso gyinane berɛ kyɛ ɔbaakenga.

Luka 4:31

Yesu hɔle Galilea kuro bie bɔ oli Kapanɔm so, na afofingyẽa nemɔ, ɔyɛle ngyerɛkyerɛ hyirele bɛ.

Luka 6:1

Na ɔwale kyɛ, afofikyẽa bie, ɔɔfale aburoo boo bie anu, na ye asuafoɛ nemɔ bɛpombale aburoo ne bie, na bɛposale ye wɔ bɛ sa nu belili.

Luka 6:5

Na osele bɛ kyɛ, “Sona Awa ne te afofikyẽa so Mene.”

Yohane 5:3

Né ayarefoɛ pee, anyesiniwaafoɛ, mbakye ne bɛ bɔ babubu bagua berɛ ɔ bɛlela apata nemɔ abo [bɛnwondɛ nzue ne maa ɔwoso.

Yohane 9:16

Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.