Luka 6:48 - AHYERƐLƐ KRONGRON

⁴⁸ Ɔte kyɛ ebie bɔ osili sua, bɔ ɔpɛle kumaa ne maa ɔhɔle, ná ɔtole fapem ne siele nyɔbotaen so ɔ. Nzue yili, obu fale sua ne abo, nakoso wangora ye woso, ɔnate kyɛ osili sua ne yé.

Luka 6:48 Iomraidhean Croise

2 Samuel 22:2

Ɔtole ye kyɛ, “AWURADE te me nyɔbotaen, m’anwoserɛ afealeɛ ne me defoɛ,

2 Samuel 22:32

“Nwa yeɛ ɔte Nyameɛ ɔ? Sana AWURADE angome. Nwa yeɛ ɔte nyɔbotaen ɔ? Sana yɛ Nyameɛ angome.

2 Samuel 22:47

AWURADE te ase! Me nyɔbotaen, meye wɔ ayɛ! Me Nyameɛ, bɔ ɛte me ngoalelɛ Nyɔbotaen, mekamvo wɔ!

2 Samuel 22:5

Ewue asorɔkye pɛle me nwo yiale, na ewue bu fale me so kyɛ asue.

2 Samuel 23:3

Yisrael Nyameɛ adwudwo, Yisrael Nyɔbotaen ne sele me kyɛ, ‘Sona bɔ ɔfa pɛpɛɛpɛyɛlɛ da mmenia noa ne, bɔ ɔfa Nyameɛ surolɛ da bɛ noa ne,

Edwein 32:6

Yiti ebiala bɔ ɔtengyɛ ne, odi kyɛ ɔbɔ mbaeɛ okyire wɔ. Amaneɛnwunɛ mmerɛ nu, sɛ amaneɛnwunɛ ba ye so kyɛ asue bɔ wayi bɔ ɔse wuruwuru a, ye de ɔngoto ye.

Edwein 62:2

Ye ngome yeɛ ɔte me nyɔbotaen ne me ngoalelɛ ɔ, m’anwoserɛ afealeɛ ɛne; hwee ngopusu me.

Edwein 95:1

Ɛmɔbra maa yɛto dwein yɛye AWURADE ayɛ; ɛ́mɔma yɛ́fa ahurusi yɛ́bɔ yɛ ngoalelɛ nyɔbotaen ne nwo ese!

Anyandera 10:25

Sɛ mvrama piri otu pɛ nu a, bɔnefoɛ boso mini, nakoso teneneeniɛ de, ɔte nyinasoɛ bɔ otimu berɛ daa ɔ.

Yesaya 26:4

Ɛ́mɔfa ɛmɔ wora béwura AWURADE nu afebɔɔ, ofikyɛ AWURADE Nyameɛ ɔte afebɔɔ nyɔbotaen.

Yesaya 28:16

Yiti AWURADE Nyameɛ nwa nyoo: “Ɛ́mɔtie, méfa nyɔboɛ bie méto fapem wɔ Sion, nyɔboɛ bɔ maso manea, ndweasoɛ nyɔboɛ bɔ ye nyɔboɛ yɛ se bɔ otimu berɛ pindinn ɔ: ‘Ebiala bɔ ɔkɔfa ye nwo kɔto so ne, ɔngɔte ngɔtɔ.’

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Nahum 1:8

Nakoso bɛ bɔ bekyi ye de, ɔkɔfa nzue bɔ oyi bu fa so ɔ konua bɛ boso, na ɔkɔfoa ye pɔfoɛ mɔ kɔhɔ awosii nu.

Luka 6:47

Ebiala bɔ ɔba me berɛ, ná otie me dwirɛ, ná odi so ne, ngohyire ɛmɔ bɔ osoma ye ɔ:

Luka 6:49

Nakoso ebiala bɔ otie, ná onni so nen, ɔte kyɛ ebie bɔ osili sua siele aseɛnwo bɔ wamva wanzie fapem so ɔ. Nzue yili obu fale ye bo, na berɛ ne ala obuli, na obuli gyirigorɔɔ!”

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Ɛfesofoɛ 2:20

Bafa ɛmɔ basie asomafoɛ nemɔ ne ngɔmhyɛlɛfoɛ nemɔ fapem bɔ Yesu Kristo bɔbɔ yeɛ ɔte ye ndweasoɛ nyɔboɛ titire ne aso.

Deuteronomi 32:15

“Yakob didili mane ye ko yili, Yesurun yɛle branoa, na ɔyɛle lɔen. Ɛyɛle twɔtwɔfee, ɛyɛle piri bɔ ɛpakye ɔ. Afei ɔyakyili Nyameɛ bɔ ɔbɔle ye ne si lilɛ, na ɔpole Nyɔbotaen bɔ ɔte ye ngoalelɛ ne.

Deuteronomi 32:18

Nyɔbotaen bɔ ɔfale wɔ wale wiase ne de, andwene ye nwo, na wɔ wora fili Nyameɛ bɔ ɔwole wɔ ne.

Deuteronomi 32:31

Ofikyɛ bɛ nyɔbotaen ne, ɔtte kyɛ yɛ Nyɔbotaen ne, na yɛ pɔfoɛ mɔ bɔbɔ po bɛse.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

2 Petro 1:10

Yiti aliɛmaa mɔ, ɛ́mɔbɔ mmɔden bétira ɛfrɛlɛ bɔ bafrɛ ɛmɔ ne, ɔne ɛnealɛ bɔ baneanea nu baye ɛmɔ ne anu yé, ofikyɛ sɛ ɛmɔyɔ ɛhemɔ a, ɛmɔngofi ase le.

1 Yohane 2:28

Na afei me ngwadaa mɔ, ɛmɔhɔ so bɛtena ye nu, amaa sɛ ye walɛ ne dwu ná ɔye ye nwo ali a, yahora yasi y’ahone, na yamvɛre wɔ ye nyunu.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

1 Samuel 2:2

Ebiala nne berɛ bɔ ɔte krongron kyɛ AWURADE ɔ, amba, ebiala nne berɛ bɔ ɔte kyɛ wɔ ɔ; Nyɔbotaen biala nne berɛ bɔ ɔte kyɛ yɛ Nyameɛ ɔ.