Luka 6:41 - AHYERƐLƐ KRONGRON

⁴¹ Nzu ati yeɛ enwu baka sii bɔ ɔla eliɛma nye so, nakoso ennwu mbuna bɔ ɔla wɔ bɔbɔ wɔ nye so ɔ?

Luka 6:41 Iomraidhean Croise

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

1 Aberɛso Dwirɛ 21:6

Nakoso Yoabo wanga Lewifoɛ ne Benyaminfoɛ mɔ bie, ofikyɛ né Nana Dawide ahyɛdeɛ ne, ɔyɛ ye ahyi.

Edwein 36:2

Ofikyɛ ode ye nwo di alaa maa ɔnate so ɔngora nwu ye amumuyɛɛ, maa ɔnate so ɔngora ngyi ye amumuyɛɛ ne.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Hesekiel 18:28

Na ɔnate kyɛ wadwene ye nwo, ná wahwe ye nwo wafi ye mmeraatolɛ amukoraa bɔ wato nwo ne ati, nahorɛ nu, okonya ngoa, na ongowu.

Mateo 7:1

“Nnɛma ɛmɔbua ndɛen, ná Nyameɛ koso wammua ɛmɔ ndɛen,

Marko 8:7

Né bele tiré mmaa mmaa kãa bie koso wɔ berɛ; oyirale so, na ɔhane kyɛ bɛhyɛ ɛhene koso bɛma bɛ.

Luka 6:40

Suaniɛ ndra ye kyerɛkyerɛniɛ, nakoso ebiala bɔ bahyire ye nikyee maa wanwu ye yé ne, ɔkɔyɛ kyɛ ye kyerɛkyerɛniɛ ala.

Luka 6:42

Ɔkɔyɛ sɛɛ né ahora ahã ahyire eliɛma kyɛ, ‘Aliɛmaa, maa nye baka sii bɔ ɔla wɔ nye so ne mma wɔ, aberɛ bɔ wɔ bɔbɔ wɔ nye so mbuna de, ennwu ye ɔ?’ Wɔ, nyaatwomniɛ! Di moa ye mbuna bɔ ɔla wɔ bɔbɔ wɔ nye so ne, na ɔkɔmaa ekonwu nikyee yé, ná ahora aye baka sii bɔ ɔla eliɛma nye so ne.

Yohane 8:7

Na begu so bebisabisa ye dwirɛ nen, ɔtengyɛle ye nu sele bɛ kyɛ, “Ɛmɔ nu ko bɔ bɔne nne ye nwo ne, maa oli moa ɔto nyɔboɛ bɔ ye.”

Romanfoɛ 2:1

Yiti kuro sona, wɔ ole nwa bɔ ebua ebiɛngo ndɛen ɔ? Sɛ ebua ebiɛngo ndɛen a, né ebua wɔ bɔbɔ wɔ nwo ndɛen. Ofikyɛ wɔ bɔ ebua sɔ ndɛen ne, wɔ koso ɛyɔ sɔ yɔleɛ ne bie.

Yakobo 1:24

Onwu ye nwo, na ofi berɛ, na berɛ ne ala ye wora fi kyɛbɔ osi soma ɔ.