Luka 6:30 - AHYERƐLƐ KRONGRON

³⁰ Ebiala bɔ ɔsrɛ wɔ nikyee ne, fa ma ye; yeɛ sɛ ebie de wɔ sa nu nikyee a, nnesa de ye ko.

Luka 6:30 Iomraidhean Croise

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Edwein 41:1

Sona bɔ ɔdwene anwumvoinniɛ nwo ne, onya saleɛ. AWURADE pepɛ de ye wɔ ye amaneɛnwunɛ mmerɛ nu.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 21:26

Ebie nye boro nikyee kɔkɔkɔkɔ daa biala, nakoso teneneeniɛ de, ofia ye kunu ɔkyɛ nikye.

Anyandera 22:9

Sona bɔ ofia ye kunu ɔkyɛ nikyee ne, onya saleɛ, ofikyɛ ɔfa ye aleɛ ne bie ma ehiafoɛ.

Nworɛ Dwirɛhanɛniɛ 11:2

Kyekyɛ nu ma nzoo anaa mmɔtwɛ po, ofikyɛ ɛnze edwirɛ tɛɛ bɔ ebiaa ɔbaasi aseɛ ye aso ɔ.

Nworɛ Dwirɛhanɛniɛ 8:16

Yiti mva nziele me nye so kyɛ ngɔpena nworɛ si atee, ɔne kyɛ ngonwu ɛfɛɛ adwuma bɔ ɔkɔ so wɔ aseɛ so ɔ, kyɛbɔ sona onnya nnaa nna eyia ne kɔngɔen ne;

Mateo 18:35

“Na sɛ ɛmɔanye ɛmɔ kunu fitaa bamva ɛmɔ aliɛma mvomsoɛ bangyɛ ye a, sɔ ala yeɛ me Baba bɔ ɔwɔ nyameɛso ne koso kɔyɛ ɛmɔ ɔ.”

Mateo 5:39

Nakoso me de, mekã mekyire ɛmɔ kyɛ, nnɛma ɛmɔfa bɔne betua ebie bɔ wayɔ ɛmɔ bɔne ɔ so kerɛ. Sɛ ebie pakye wɔ nye famaa so a, kakyi bɛen ne koso ma ye.

Mateo 6:12

Na fa yɛ mvomsoɛ kyɛ yɛ, kyɛbɔ yɛfa yɛkyɛ bɛ bɔ bɛfõ yɛ ne.

Luka 11:41

Odi kyɛ ɛmɔfa bɔ ɔwɔ nu ne bɛyɛ adɔeɛ, na tie, nikyee biala nwo kɔte kɔma ɛmɔ.

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Luka 18:22

Na Yesu tele sɔ dwirɛ nen, osele ye kyɛ, “Waha wɔ nikyee ko: Tɔne bɔ ele ye amukoraa, ná kyɛ sikaa ne ma ehiafoɛ, na ekonya agyapadeɛ wɔ nyameɛso; na afei bra baali me si.”

Luka 6:29

Sɛ ebie pakye wɔ nye so a, kakyi bue dɔ ne koso ma ye. Sɛ ebie de w’ataadeɛ aguasoɛ a, nnɛyakyi kyɛ ɛkɔfa w’ataadeɛ bɔ owura ye bo ne ɛkɔboka ye so ɔ.

Luka 6:31

Na bɔ ɛmɔkuro kyɛ mmenia bɛfa bɛyɛ ɛmɔ ne, sɔ ala yeɛ ɛ́mɔyɛ bɛ ɔ.

Luka 6:38

Ɛ́mɔfa bɛ́ma, na bɛkɔfa bɛkɔma ɛmɔ; asusudeɛ paa bɔ bamiamia so, bɔ bawoso ye, bɔ wayi wabo so ɔ yeɛ bekohwie bekogua ɛmɔ tena nu ɔ. Ofikyɛ asusudeɛ bɔ ɛmɔfa besusu ne, sɔ asusudeɛ ne ala yeɛ bɛkɔfa bekosusu bɛkɔma ɛmɔ ɔ.”

Asomafoɛ 20:35

Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Ɛfesofoɛ 4:28

Nnɛma awueniɛ wua ko, na mmom ɔsɛ kyɛ ɔbɔ mmɔden ɔfa ye sa yɔ adwuma bɔ ɔfata ɔ; amaa wanya bie wafa waboka sona bɔ wahia ye ɔ.