Luka 6:29 - AHYERƐLƐ KRONGRON

²⁹ Sɛ ebie pakye wɔ nye so a, kakyi bue dɔ ne koso ma ye. Sɛ ebie de w’ataadeɛ aguasoɛ a, nnɛyakyi kyɛ ɛkɔfa w’ataadeɛ bɔ owura ye bo ne ɛkɔboka ye so ɔ.

Luka 6:29 Iomraidhean Croise

2 Samuel 19:30

Yeɛ Mefibosɛte sele Nana Dawide kyɛ, “Nana, me mene, awuro bɔ asa awa asomdwee nu ne yeɛ ohia ɔ, yiti maa ɔfa ye mukoraa.”

2 Aberɛso Dwirɛ 18:23

Yeɛ Kenaana awa Sedekia ɔwale Mikaya nwo berɛ ɔɔbɔle ye so anu, na obisale kyɛ, “Aso AWURADE Sunzum kosa me nwo kodwudwo kohyire wɔ?”

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Awuye 3:30

Odi kyɛ ɔkakyi ye so taa nu ma sona bɔ ɔkɔbɔ ye so anu ne, ná ɔmaa bɛbɔ ye alapaa pasaa.

Mika 5:1

Ao koɛhonɛfoɛ awa brasua, afei boa wɔ noa koɛhonɛfoɛ kure kure; watua yɛ kuro ne; Yisrael maenbulɛniɛ ne, bɛkɔfa bakaa bɛkɔbɔ ye mvoka.

Mateo 26:67

Afei bɛfefele nwɔserɛ beguale ye nyunu, bɛbobɔle ye, yeɛ ebiemɔ bobɔle ye nye so

Luka 22:64

Bɛkyekyele ye nye, na bebisale ye kyɛ, “Hyɛ ngɔm! Nwa yeɛ ɔbɔle wɔ ne?”

Luka 6:30

Ebiala bɔ ɔsrɛ wɔ nikyee ne, fa ma ye; yeɛ sɛ ebie de wɔ sa nu nikyee a, nnesa de ye ko.

Yohane 18:22

Na Yesu hane sɔ nen, asomvoɛ mɔ bɔ begyigyi berɛ ne, bɛ nu ko bɔle ye nye so, na ɔhane kyɛ, “Sɔ yeɛ ɛ́ma ɔsɔfo panyi paa ne mmuayɛɛ ɔ?”

Asomafoɛ 23:2

Na ɔsɔfo panyi paa Anania hyɛle bɛ bɔ begyigyi Pɔɔlo nwo berɛ ne kyɛ befi ye noa so.

1 Korintofoɛ 4:11

Ɛnɛ ne ɛnɛ ye, ɛhɔen ne nzuhɔen ku yɛ, yɛ nwo la so, bɛkã yɛ mbire, yeɛ yɛlle amandena,

1 Korintofoɛ 6:7

Manzoen bɔ ɛmɔ ne bɛ nwo twe ne kyire kyɛ ɛmɔali ngoguo. Nzu ati yeɛ ɛmɔmma bɛnyɔ ɛmɔ tɛɛ mmom ɔ? Nzu ati yeɛ ɛmɔmma benzisi ɛmɔ mmom ɔ?

2 Korintofoɛ 11:20

Na sɛ ebie fa ɛmɔ yɛ ngoaa, anaa odi ɛmɔ aminɛ, anaa osisi ɛmɔ, anaa ɔmoma ye nwo so, anaa ɔpakye ɛmɔ nye so po a, ɛmɔnya ye nwo aboterɛ.

Hebrifoɛ 10:34

Ofikyɛ ɛmɔnwuni bɛ bɔ begua kuku nu anwumvoin, na mmerɛ bɔ bɛfene ɛmɔ nningyein bɛfale ne, ɛmɔle anigye bɛpenene so, ofikyɛ ɛmɔse kyɛ ɛmɔle nningyein paa bɔ ɔtra so wɔ nyameɛso afebɔɔ.