Luka 6:27 - AHYERƐLƐ KRONGRON

²⁷ “Na mekã mekyire ɛmɔ bɔ ɛmɔtie ne kyɛ: Ɛ́mɔhuro ɛmɔ pɔfoɛ mɔ dwirɛ, ná ɛmɔyɛ bɛ bɔ bekyi ɛmɔ ne paa.

Luka 6:27 Iomraidhean Croise

1 Ahemvo 13:6

Yeɛ Nana Yeroboam sele Nyameɛ sona ne kyɛ, “Srɛ AWURADE wɔ Nyameɛ maa onwu me anwumvoin, ná bɔ mbaeɛ ma me maa me sa ne osa ɔyɛ paa.” Yiti Nyameɛ sona ne srɛle AWURADE mane Nana Yeroboam sa ne yɛle paa, na ɔyɛle kyɛ ye daa ne ala.

Edwein 7:4

sɛ mafa bɔne matua sona bɔ ɔne me te asomdwee nu kerɛ, anaakyɛ mafa atee tɛɛ so mafa me pɔfoɛ nningyein a,

Anyandera 24:17

Wɔ pɔfoɛ fĩ ase a, nnɛmaa ɔyɛ wɔ fɛ, yeɛ sɛ osoti koso a, nnɛma wɔ nye gye,

Anyandera 25:2

Mvealeɛ nu dwirɛ te Nyameɛ ye animnyam, na ahemvo mɔ b’animnyam ole kyɛ bɛkɔfeefee edwirɛ nu ɔ.

Marko 4:24

Na osele bɛ kyɛ, “Ɛ́mɔnea yé wɔ bɔ ɛmɔte ɔ nwo. Na asusudeɛ bɔ ɛmɔfa besusu bɛma ne, ye ala yeɛ bɛkɔfa bekosusu bɛkɔma ɛmɔ ɔ, na bɛkɔfa bie bɛkɔboka so bɛkɔma ɛmɔ.

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Luka 6:35

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

Luka 8:15

Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Luka 8:18

Yiti kyɛbɔ ɛmɔtie edwirɛ ne, ɛ́mɔdwene ye nwo yé. Ofikyɛ, ebiala bɔ ole bie ne, bɛkɔfa bieku bɛkɔboka ye so; na bɔ olle bie ne, bɔ osusu kyɛ ole ye ne po, bekole bekofi ye sa nu.”

Luka 8:8

Na ebie ooguale aseɛ paa so, befifili, na besuli mmɔhoɛ ɛyaa.” Na ɔhane sɔ dwirɛ ne nen, ɔteane nu sele kyɛ, “Bɔ ole asoɛ kotie ne, maa otie!”

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 16:28

Na Pɔɔlo teane nu serɛserɛ sele kyɛ, “Nnɛdi wɔ nwo awue, na yɛ mukoraa yɛwɔ wa!”

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.

Galatiafoɛ 6:10

Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

1 Tɛsalonikafoɛ 5:15

Ɛ́mɔnea yé ná ebiala amva bɔne andua bɔne kerɛ, na mmom ɛ́mɔnea kyɛ daa biala ɛmɔkɔyɔ paa bɛkɔmoma ɛmɔ nwo ne mmenia amukoraa.

3 Yohane 1:11

Aliɛmaa, nnɛdi tɛɛ si na mmom di paa si. Sona biala bɔ ɔyɔ paa ne te Nyameɛ deɛ, na sona bɔ ɔyɔ tɛɛ ne, onnwuni Nyameɛ.