Luka 6:24 - AHYERƐLƐ KRONGRON

²⁴ “Nakoso ɛmɔ bɔ ɛmɔanya ɛmɔ nwo de, ɛmɔ yaakɔ! Ofikyɛ ɛmɔanya ɛmɔ aworakyekyerɛ dada!

Luka 6:24 Iomraidhean Croise

Anyandera 1:32

Ofikyɛ bɛ bɔ b’adwene te nganga ne, foɛtulɛ nwo asoserɛ yeɛ okohu bɛ ɔ, na ngwaseafoɛ bɛ yeeyɛlɛ yeɛ okohu bɛ ɔ.

Hagae 2:9

Na awuro he, ye nziɛ ye animnyam ne, ɔkɔyɛ piri kɔtra ye daa deɛ ne, Asafo AWURADE noa dwirɛ ɛne; na ɛwa yeɛ ngɔma asomdwee ɔ, Asafo AWURADE noa dwirɛ ɛne.’ ”

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:2

Yiti sɛ ɛyɔ adɔeɛ a, nnɛbɔ ye nwo dawure, kyɛbɔ nyaatwomfoɛ bɛyɔ ye nyianu sua mɔ nu ne dwaaso, kyɛbɔ mmenia kɔkamvo bɛ ne. Nahorɛ nu, mekã mekyire ɛmɔ kyɛ, bɛ sa ahã b’akatuaa dada.

Mateo 6:5

“Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

Luka 6:25

“Ɛmɔ bɔ ɛmɔ ko ayi kekesaala ye ɔ, ɛmɔ yaakɔ! Ofikyɛ ɛhɔen kohũ ɛmɔ. “Ɛmɔ bɔ ɛmɔsere kekesaala ye ɔ, ɛmɔ yaakɔ! Ofikyɛ ɛmɔkosu, ná ɛmɔabɔ awuye!

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

Yakobo 2:6

Nakoso ɛmɔbu ehianiɛ animtia! Aso nna sikafoɛ yeɛ bɛhyɛ ɛmɔ so ɔ, aso nna bɛ yeɛ bɛtwe ɛmɔ bɛkɔ badwafoɛ nyunu ɔ?