Luka 6:20 - AHYERƐLƐ KRONGRON

²⁰ Na Yesu mane ye nye so neane ye asuafoɛ nemɔ, na osele kyɛ, “Ɛmɔ, ehiafoɛ, ɛmɔanya saleɛ, ofikyɛ ɛmɔ yeɛ Nyameɛ ahennie ne ɔte ɛmɔ deɛ ɔ!

Luka 6:20 Iomraidhean Croise

Edwein 37:16

Nikyee kãa biala bɔ teneneeniɛ ole ye ne, odi mu tra bɔnefoɛ pee b’anwonya.

Anyandera 16:19

Ɔte paa kyɛ ɛkɔbrɛ wɔ nwo ase ɛkɔboka bɛ bɔ bɛyɛ anwumvo ɔ so, tra kyɛ ɛne anwomasoɛfoɛ bɛkɔhyɛ koɛ nu nzesadeɛ ɔ.

Anyandera 19:1

Ehianiɛ bɔ ye bra te sannwuu ne, ɔte paa tra sona bɔ ɔte nnakannaka ne kwaseaa ɔ.

Yesaya 29:19

Na mmenia bɔ bedwo ne, bekonya AWURADE nu anika pee, na mmenia nu ehiafoɛ bekoli ahurusi wɔ Yisrael Krongronniɛ ne anu.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Sefania 3:12

Anwumvoin mmenia ne awiɛmvoɛ mmenia yeɛ ngɔmaa bɛkɔha wɔ wɔ nu ɔ, na AWURADE dumaa yeɛ bɛkɔfa bɛ wora bekowura nu ɔ.

Sakaria 11:11

Yiti nu pɛle sɔ kyẽa ne, na mmoaen kure ne anu biemɔ bɔ né bɛyɛ anwumvo, bɔ né bɛ nye tua me ne, benwuni kyɛ AWURADE noa dwirɛ ɛne.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Mateo 5:1

Yesu nwuni ɛlɔen ne nen, ɔhɔle bokaa bie aso, na ɔtenane ase nen, ye asuafoɛ nemɔ wale ye nwo berɛ,

Luka 12:32

“Fekue kaaba, nnɛma ɛmɔsuro! Ofikyɛ ɔyɛ ɛmɔ Baba ne fɛ kyɛ ɔkɔfa ahennie ne kɔma ɛmɔ ɔ.

Luka 13:28

Na sɛ ɛmɔnwu Abraham, Yisake, Yakob ne ngɔmhyɛlɛfoɛ ne amukoraa kyɛ bɛwɔ Nyameɛ ahennie ne anu, ná ɛmɔ de bafoa ɛmɔ bafi nu a, ɛmɔkɔbɔ awuye ná ɛmɔanwose ɛmɔ gye.

Luka 14:15

Na bɛ bɔ né bɛ ne Yesu bɛte poen nwo bedidi ne, nu ko tele edwirɛ he nen, osele Yesu kyɛ, “Bɔ okodidi wɔ Nyameɛ ahennie nu ne, wanya saleɛ!”

Luka 16:25

“Nakoso Abraham sele ye kyɛ, ‘Mma, kaye kyɛ mmerɛ bɔ né ɛte ase ne, elili wɔ mmerɛ, na Lasarɔso de, onwuni amaneɛ; nakoso kekesaala ye de, ye wora akyekye, na wɔ koso de, wɔ nwo yerayera wɔ.

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

2 Korintofoɛ 6:10

yayɛ kyɛ yɛ wora abɔ nakoso yɛ nye gye daa, yayɛ kyɛ ehiafoɛ nakoso yɛma mmeni pee benya bɛ nwo, yayɛ kyɛ yɛlle huu nakoso yɛle nningyein mukoraa.

2 Korintofoɛ 8:2

B’anwokyere ne nzɔhwɛ kandinga ne asi, benyane anika mmorosoɛ wɔ bɛ hiaa ne anu maa bɛyele bɛ kunu bɛyɔle adɔeɛ kandinga paa.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

1 Tɛsalonikafoɛ 1:6

Ɛmɔsuasuane yɛ ne Awurade; na ɔwɔ nu kyɛ ɛmɔnwuni amaneɛ pee wɔ edwirɛ ne anwo de, nakoso ɛmɔfale anika bɔ ofi Sunzum Krongron berɛ bɛsɔle nu.

2 Tɛsalonika 1:5

Na ɛhe kyire kyɛ Nyameɛ ndɛenbualɛ te turoloo, bɔ ɔkɔma ɛmɔ kɔfata Nyameɛ ahennie bɔ yiti yeɛ ɛmɔnwu amaneɛ ne.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

Nyekyire 2:9

Mese w’amaneɛnwunɛ ne wɔ hiaa, (nakoso anya wɔ nwo), yeɛ mese bɛ bɔ bɛnwa bɛte Yudafoɛ nakoso bɛtte Yudafoɛ ne, ná mmom bɛte Satan nyianu sua ne, bɛ musue dwirɛ kekanɛ ne.

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.