Luka 6:2 - AHYERƐLƐ KRONGRON

² Na Farasiifoɛ nemɔ anu biemɔ bisale bɛ kyɛ, “Nzu ati yeɛ ɛ́mɔyɔ bɔ otia mmeraa kyɛ bɛyɔ ye afofikyẽa ɔ?”

Luka 6:2 Iomraidhean Croise

Ɛksadɔso 22:10

“Sɛ ebie fa ye afunum, nandwie, boaen, anaa kaka biala wura obiɛngo sa, ná sɛ kaka ne wu, opura, anaa bewua ye bɔ ebiala nye ambɛ so ne,

Ɛksadɔso 31:15

Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ, bɔ ɔte krongron ma AWURADE ɔ. Na sona biala bɔ ɔkɔyɔ adwuma afofikyẽa nen, ɔsɛ kyɛ beku ye.

Ɛksadɔso 35:2

Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte afofikyẽa krongron ma ɛmɔ, ɔte nwomelelɛ kyẽa bɔkɔɔ ma AWURADE. Na ebiala bɔ ɔkɔyɔ adwuma sɔ kyẽa nen, ɔsɛ kyɛ beku ye.

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Mateo 12:2

Na mmerɛ bɔ Farasiifoɛ nemɔ nwuni sɔ ne, besele ye kyɛ, “Nea, w’asuafoɛ nemɔ bɛ́yɔ bɔ otia mmeraa kyɛ bɛyɔ ye afofikyẽa ɔ!”

Mateo 15:2

“Nzu ati yeɛ w’asuafoɛ nemɔ benni mbanyi mɔ b’amammerɛ ne aso ɔ? Ofikyɛ bennwunzi bɛ sa koraka né badidi.”

Marko 2:24

Na Farasiifoɛ nemɔ bisale ye kyɛ, “Nea, nzu ati yeɛ bɛ́yɔ bɔ otia mmeraa kyɛ bɛyɔ ye afofikyẽa ɔ?”

Luka 5:33

Na besele Yesu kyɛ, “Yohane asuafoɛ nemɔ bɛtaa bɛyɔ akɔngyere ná bɛbɔ mbaeɛ, yeɛ Farasiifoɛ b’asuafoɛ koso bɛyɔ sɔ ala; nakoso w’asuafoɛ nemɔ de, bedidi ná bɛno.”

Yohane 5:16

Na ɔnate sɔ ati, Yudafoɛ nemɔ tanene Yesu nye, ofikyɛ ɔyɔle sɔ afofikyẽa.