Luka 6:19 - AHYERƐLƐ KRONGRON

¹⁹ Na mmenia worawora ne amukoraa bɛperele kyɛ bɛkɔfa bɛ nwo bɛkɔhã ye ɔ, ofikyɛ né tumi fi ye nu ɔsa bɛ mukoraa anwonyerɛ.

Luka 6:19 Iomraidhean Croise

2 Ahemvo 13:21

Mmerɛ bɔ Yisraelfoɛ wɔ so bɔ besie biaa bie ne, benwuni Moabofoɛ koɛhonɛfoɛ bɔ bɛbɔ apaa ɔ. Yiti begyili fuin ne bɛtole Elisa asieleɛ ne anu. Biaa ne fuin ne hane Elisa mmowue pɛ, otingyele fili ewue nu, na odwɔsole gyinane ye gya so.

Mateo 14:36

na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Marko 3:10

Né wasa mmenia pee anwonyerɛ, na ɔnate sɔ ati, bɛ bɔ bɛnde apɔ amukoraa piane bɛ nwo wii kyɛ bekonya ye nu bɛkɔsɔ ɔ.

Marko 5:30

Na berɛ ne ala, Yesu tele nga wɔ ye nu kyɛ tumi bie afi ye nu. Ɔkakyili ye nwo wɔ mmenia ne anu, na obisale kyɛ, “Nwa yeɛ ɔfale ye nwo hane m’ataadeɛ ne?”

Marko 6:56

Na nekaa biala bɔ ɔhɔle ne, kyɛ nguraa nu oo, kuro nu oo, anaa namue nu oo, bɛfale ayarefoɛ bɛɛsamone dwaaso, na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Marko 8:22

Bedwuli Betesaeda nen, mmenia biemɔ fale anyesiniwaaniɛ bie bɛbrɛle Yesu, na bɛsrɛle ye kyɛ ɔfa ye sa hã ye.

Luka 5:17

Na ɔwale kyɛ, ɛlɛho bie, né ɔyɛ ngyerɛkyerɛ. Né Farasiifoɛ ne mmeraa akyerɛkyerɛfoɛ bɛtete berɛ bie. Befili Galilea ne Yudea nguraa mukoraa nu ne Yerusalem yeɛ bɛwale ɔ; na né Awurade tumi wɔ ye so bɔ ɔfa sa anwonyerɛ ɔ.

Luka 6:18

yeɛ bɛ bɔ sunzummɔne wɔ bɛ so koso ɔsale bɛ anwonyerɛ.

Asomafoɛ 19:12

na bɛfale ye nwo duku anaa ye ataadeɛ ngatanyunu po beguale ayarefoɛ so maa bɛtele apɔ, na sunzummɔne tutu fili bɛ nu.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.