Luka 6:12 - AHYERƐLƐ KRONGRON

¹² Sɔ mmerɛ ne anu, Yesu hɔle bokaa bie aso ɔɔbɔle mbaeɛ, na kɔngɔen ne amukoraa ɔbɔle mbaeɛ hyirele Nyameɛ.

Luka 6:12 Iomraidhean Croise

Edwein 22:2

Ao me Nyameɛ, alehyeleɛ biala mesu mefrɛ wɔ, nakoso ɛndɛ me so; mesu mefrɛ wɔ kɔngɔen biala, nakoso me nwo ndɔ me.

Yesaya 26:9

Me kra wora dɔ wɔ kɔngɔen, amba, me sunzum bɔ ɔwɔ me nu ne, ɔpena wɔ paa, ofikyɛ sɛ wɔ ndɛenbualɛ wɔ aseɛ so a, ewiase ama besua bra bɔ ɔtengyɛ ɔ.

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Mateo 5:1

Yesu nwuni ɛlɔen ne nen, ɔhɔle bokaa bie aso, na ɔtenane ase nen, ye asuafoɛ nemɔ wale ye nwo berɛ,

Mateo 6:6

Na wɔ de, sɛ ɛ́bɔ mbaeɛ a, kɔ wɔ sua nu, to w’anoa ne anu, ná bɔ mbaeɛ kyire wɔ Baba bɔ ɔwɔ mvealeɛ nu ne, na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Marko 1:35

Na Yesu dwɔsole ngyerɛmɔ tutuutu ofitele, na oowurale nekaa bie konn ɔbɔle mbaeɛ.

Marko 3:13

Yesu hɔle bokaa bie aso, na ɔfrɛfrɛle bɛ bɔ ye bɔbɔ okuro ɔ; na bɛwale ye berɛ.

Marko 6:46

Na oguale bɛ ate yiele nen, ɔhɔle bokaa bie aso ɔɔbɔle mbaeɛ.

Luka 5:16

Nakoso ɔhwene ye nwo hɔle ɛserɛ so ɔɔbɔle mbaeɛ.

Luka 6:11

Nakoso bɛ de, b’ahone huli, na bɛhɔle agyina bɛpenane nikye horɛ bɔ bɛkɔfa bɛkɔyɛ Yesu ɔ.

Luka 6:17

Na ɔne bɛ bedwu bɛwale ne, oogyinane aseɛ frɛtɛɛ bie aso; ɔne ye asuafoɛ pee ne ɛlɔen pirikua bɔ befi Yudea amukoraa ne Yerusalem ne Tiro ne Sidon mboanoa, bɔ bɛwale kyɛ bɛbaatie ye dwirɛ ná bɛmaa ɔsa bɛ anwonyerɛ ɔ;

Luka 9:18

Ɛlɛho bie, né Yesu wɔ nekaa bie ye ngome ɔbɔ mbaeɛ; né ye asuafoɛ nemɔ bɛboka ye so, na obisale bɛ kyɛ, “Mmenia kekã kyɛ nwa ole me?”

Luka 9:28

Yesu hane sɔ dwirɛ nemɔ ne, ye si ye kɔyɛ ɛlɛbɔtwɛ, ɔfale Petro, Yohane ne Yakobo bokale ye nwo so, na ɔne bɛ hɔle bokaa bie aso kyɛ ɔkwaabɔ mbaeɛ.

Luka 9:29

Na ogu so ɔbɔ mbaeɛ nen, ye nyunu sue ne sesane, ye ataadeɛ yɛle hyɛnn, na ɔtale.

Yohane 6:3

Yeɛ Yesu hɔle bokaa bie aso, na ɔne ye asuafoɛ nemɔ bɛɛtenane ase wɔ berɛ.

Kolosefoɛ 4:2

Ɛmɔhɔ so bɛbɔ mbaeɛ, ná ɛ́mɔfa asennaa bɛwɛne wɔ mbaeɛbɔlɛ ne anu.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.

1 Samuel 15:11

“Ɔyɛ me yea kyɛ mvale Sɔɔlo nzili hene ɔ, ofikyɛ wayakyi me si lilɛ, na onni me mmeraa so.” Sɔ dwirɛ ne hale Samuel, na osũ frɛle AWURADE kɔngɔen ne amukoraa.