Luka 6:11 - AHYERƐLƐ KRONGRON

¹¹ Nakoso bɛ de, b’ahone huli, na bɛhɔle agyina bɛpenane nikye horɛ bɔ bɛkɔfa bɛkɔyɛ Yesu ɔ.

Luka 6:11 Iomraidhean Croise

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Mateo 16:7

Na bɛdwenedwenene ye nwo bɛhane kyɛ, “Yamva paanoo yamma ne ati ɔ.”

Mateo 21:45

Na mmerɛ bɔ asɔfo mbanyi ne Farasiifoɛ nemɔ bɛtele ye anyandera ne nen, benwuni kyɛ ɔne bɛ.

Luka 4:28

Na mmenia mukoraa bɔ né bɛwɔ nyianu sua ne anu berɛ ne, bɛtele sɔ dwirɛ nen, bɛfɛle yaa hahii.

Luka 6:10

Ɔneane bɛ mukoraa bra yiale, na osele biaa ne kyɛ, “Tengyɛ wɔ sa ne anu!” Ɔtengyɛle nu, na ye sa ne yɛle paa kyɛ ye daa ne ala.

Luka 6:12

Sɔ mmerɛ ne anu, Yesu hɔle bokaa bie aso ɔɔbɔle mbaeɛ, na kɔngɔen ne amukoraa ɔbɔle mbaeɛ hyirele Nyameɛ.

Yohane 11:47

Yiti asɔfo mbanyi ne Farasiifoɛ nemɔ bɛmane badwafoɛ nemɔ beyiale, na bɛhane kyɛ, “Nzikyɛ yeɛ odi kyɛ yɛyɔ ɔ? Ofikyɛ sɔ biaa ne ɔyɔ nzɛngyerɛnneɛ pee.

Yohane 7:1

Na ɛhemɔ asi ne, Yesu hyinini Galilea; wanguro kyɛ ɔkɔhɔ Yudea, ofikyɛ né Yudafoɛ nemɔ bɛpena ye beku ye.

Asomafoɛ 26:11

Ndaa ndwene bɛ so wɔ nyianu sua biala nu, na mmɔle mmɔden kyɛ ngɔhyɛ bɛ maa bɛkɔpa bɛ gyidie si ɔ. Me nye borole bɛ so paa maa afei de po ndanene bɛ nye alaa ngondwuli amanvrafoɛ nguro so.

Asomafoɛ 4:15

Yiti bɛmaa bɛhwene bɛ nwo befili badwa nu berɛ bɛhɔle ahameɛ, na bɛhɔle agyina

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

Asomafoɛ 5:33

Na bɛtele sɔ dwirɛ nen, b’ahone huli, na bɛbɔle porɛ kyɛ bekohũ asomafoɛ nemɔ.

Asomafoɛ 7:54

Mmerɛ bɔ badwafoɛ ne tele edwirɛ bɔ Setefano hane nen, b’ahone huli paa, na bɛnwosene bɛ gye behyirele ye; ofikyɛ né bafɛ ye so yaa paa.

2 Timoteo 3:9

Nakoso bɔ bɛyɔ ne ongoosi pasiliwa biala, ofikyɛ bɛ ngwaseasɛm ne kɔla ali wɔ mmenia amukoraa nyunu, kyɛbɔ mmenia nyɔ ne deɛ yɛle ne.