Luka 5:35 - AHYERƐLƐ KRONGRON

³⁵ Mmerɛ bie kɔwa, bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ; na sɔ mmerɛ ne yeɛ bekoli abuadaa ɔ.”

Luka 5:35 Iomraidhean Croise

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 9:15

Na Yesu buale bɛ kyɛ, “Ɔkɔyɛ sɛɛ né atɔmvorɛ bo ama bɛ wora abɔ, wɔ aberɛ bɔ atɔmvorɛ biaa ne ɔne bɛ wɔ berɛ ɔ? Mmerɛ bie kɔwa bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ, na afei bekoli abuadaa.

Marko 2:20

Mmerɛ bie kɔwa bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ, na afei bekoli abuadaa sɔ mmerɛ ne.

Luka 17:22

Na osele ye asuafoɛ nemɔ kyɛ, “Mmerɛ bie kɔwa bɔ Sona Awa ne, ɛmɔkohuro kyɛ ɛmɔkonwu ye ngyẽa nemɔ anu ko ɔ, nakoso ɛmɔngonwu ye.

Luka 5:34

Yeɛ Yesu buale bɛ kyɛ, “Aso ɛmɔkɔhora bɛkɔma atɔmvorɛ bo ama bekoli abuadaa, wɔ mmerɛ bɔ atɔmvorɛ biaa ne ɔne bɛ wɔ berɛ ɔ?

Luka 5:36

Na obuli bɛ anyandera he koso kyɛ, “Ebiala mbɛ ɛtena monɛ sii mva nda ataadeɛ daa nu. Sɛ ɔyɔ sɔ a, né watete ɛtena monɛ ne, na sii bɔ wapɛ wafi ɛtena monɛ ne anu ne, ɔne daa ne ngɔsɛ.

Yohane 12:8

Na ehiafoɛ de, ɛmɔ ne bɛ wɔ berɛ daa; nakoso me de, nna ɛmɔ ne me yeɛ bɛwɔ berɛ daa ɔ.”

Yohane 13:33

Me ngwadaammaa, mmerɛ kãa bie yeɛ waha bɔ me ne ɛmɔ yɛkɔtena ɔ. Ɛmɔkɔpena me, na kyɛbɔ nga ngyirele Yudafoɛ ne kyɛ, ‘Nekaa bɔ mekɔ ne, ɛmɔngɔhora berɛ bie ba’ nen, sɔ ala yeɛ mekã mekyire ɛmɔ koso kekesaala ye ɔ.

Yohane 16:28

Baba ne berɛ yeɛ mvi mmale wiase ɔ; na afei de, méfi wiase, na mékɔ Baba ne berɛ.”

Asomafoɛ 1:9

Na ɔhane ɛhe yiele, ná begu so bɛnea ye ne, bɛfale ye bɛhɔle nyameɛso, na munungum pɛle ye nwo yiale bɔ bannwu ye ko.

Asomafoɛ 14:23

Na besili asɔre biala nu mbanyi bɛmane bɛ, na bɛfale mbaeɛbɔlɛ ne akɔngyere betuli bɛ bewurale Awurade bɔ bale ye bali ne sa.

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

1 Korintofoɛ 7:5

Nnɛma ɛmɔtua ɛmɔ nwo nnaa, sana ɛmɔ munyɔ ɛmɔapene so kyɛ ɛmɔtu mmerɛ kãa bie besie berɛ ma mbaeɛbɔlɛ; na ɛhe asi ye, ɛmɔasa bayia nu bieku, ná abɔnzam amva ɛmɔ anwohyɛsoɛ nu mmerɛyɛlɛ so wanzo ɛmɔ wannea.

2 Korintofoɛ 11:27

Mayɔ adwuma mafɛ, mmerɛ pee mennya nnaa menna, ɛhɔen ne nzuhɔen ku me, metaa mekye hɔen, ɛyerɛ ku me, yeɛ ndaadeɛ bɔ ngowura abɔ me.