Luka 5:26 - AHYERƐLƐ KRONGRON

²⁶ Na ɔyɛle bɛ mukoraa nwanwa, na bɛyele Nyameɛ ayɛ; ɛserɛ hane bɛ, na bɛhane kyɛ, “Ɛnɛ de, yanwu edwirɛ bɔ ɔyɛ nwanwa ɔ!”

Luka 5:26 Iomraidhean Croise

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Mateo 12:23

Ɔyɛle mmenia ne amukoraa nwanwa, na besele kyɛ, “Aso nna Dawide Awa ne ɛhe?”

Mateo 28:8

Yiti bele esuronyi ne anigye befili asieleɛ ne aso ndɛndɛ bɛhɔle; na betuli amirika bɛɛbɔle ye asuafoɛ nemɔ amaneɛ.

Mateo 9:8

Na ɛlɔen ne nwuni ye sɔ nen, ɔyɛle bɛ nwanwa, na bɛhyɛle Nyameɛ bɔ wafa sɔ tumi ne wama mmenia ne animnyam.

Marko 2:12

Odwɔsole, na berɛ ne ala ɔfale ye bɛen ne, na ofili bɛ mukoraa bɛ nyunu berɛ hɔle. Yiti bɛ mukoraa bɛ nwo dwirili bɛ, na bɛhyɛle Nyameɛ animnyam bɛhane kyɛ, “Yɛnnwuni ɛhe bie le!”

Luka 1:65

Na ɛserɛ hane mandamu berɛ ama amukoraa. Na sɔ dwirɛ nemɔ trɛ hɔle Yudea mmokaa maen ne anu amukoraa.

Luka 5:8

Na Simɔn nwuni ye sɔ nen, obuli ndwerɛ Yesu nyunu berɛ hane kyɛ, “O Awurade, fi me nwo wa kɔ, ofikyɛ nde sona bɔnefoɛ.”

Luka 7:16

Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Luka 8:37

Na mmenia amukoraa bɔ bɛwɔ Gerasafoɛ mbɔtam berɛ ne, bɛsrɛle Yesu kyɛ ofi bɛ berɛ hɔ; ofikyɛ né ɛserɛ piri atɔ bɛ so. Yiti ɔfole ɛlɛen ne anu osa hɔle.

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

Galatiafoɛ 1:24

Na ɔnate me ti bɛhyɛle Nyameɛ animnyam.