Luka 5:2 - AHYERƐLƐ KRONGRON

² Onwuni ɛlɛen nyɔ bie kyɛ begyigyi nzue ne noa berɛ; nakoso bɛ bɔ bɛkye naen ne, né bafi nu badwudwu benwunzi b’asawu nemɔ.

Luka 5:2 Iomraidhean Croise

Mateo 4:18

Né Yesu nate Galilea mboanoa, na onwuni aliɛmaa nyɔ bɔ bɛ ole Simɔn bɔ bɛfrɛ ye Petro, ɔne oliɛma Andrea kyɛ begua asawu ɛpo nu ɔ, ofikyɛ né bɛte mmenia bɔ bɛkɔ po ɔ.

Mateo 4:21

Ɔhɔle moa kãa nen, onwuni aliɛmaa nyɔ bieku, bɔ bɛ ole Sebedeo awa Yakobo ɔne oliɛma Yohane, kyɛ bɛ ne bɛ baba Sebedeo bɛte ɛlɛen nu bɛpomba b’asawu ɔ. Na ɔfrɛle bɛ.

Marko 1:16

Né ɔnate Galilea mboanoa, na onwuni Simɔn ne oliɛma Andrea kyɛ begua asawu ɛpo ne anu; ofikyɛ né bɛte mmenia bɔ bɛkɔ po ɔ.

Marko 1:19

Na ɔhɔle ye nyunu moa kãa nen, onwuni Yakobo ne oliɛma Yohane bɔ bɛte Sebedeo mma ne, kyɛ bɛtete ɛlɛen nu bɛpomba b’asawu ɔ.

Luka 5:1

Na ɔwale kyɛ, né mmenia ahyere ye so kyɛ bɛbaatie Nyameɛ dwirɛ ne. Né ogyi Gɛnesarɛte mboanoa.

Luka 5:3

Na Yesu fole ɛlɛen ne ko bɔ ɔte Simɔn deɛ ɔ anu, na ɔsrɛle Simɔn kyɛ ɔhwe ɛlɛen ne fi etii so berɛ ɔhɔ moa kãa. Na ɔtenane ase yɛle ngyerɛkyerɛ hyirele mmenia ne fili ɛlɛen ne anu.

Yohane 1:40

Mmenia nyɔ bɔ betele kyɛ Yohane ódwudwo ná beelili ye si ne, ko ole Andrea, Simɔn Petro aliɛma ne.