Luka 5:19 - AHYERƐLƐ KRONGRON

¹⁹ Nakoso mmenia worawora ne ati, bannya atee bamva ye bamma nu. Yiti bɛfole sua ne ti afia, na bedwurale ye ne ye bɛen ne bɛfale abuu ne anu bɛɛtole mmenia ne anu wɔ Yesu nyunu berɛ.

Luka 5:19 Iomraidhean Croise

2 Samuel 11:2

Na ɛlɛho bie nɔsoa, Dawide dwɔsole fili nnaa nu. Né ɔnatenate ahemvie berɛ anwuro nekaa bie bɔ basamo so ɔ. Ogyi nzamsoɛ ne aso ne, onwuni kyɛ braa bie obia. Né braa ne nwo yɛ nyemene paa.

Yeremia 19:13

Na Yerusalem awuro mɔ ne Yuda ahemvo mɔ awuro mɔ, bɛ nwo kogua fiɛ te kyɛ Tofete berɛ, ɔnate awuro amukoraa bɔ bayera ɛyɛɛ wɔ bɛ ti afia bama ewienu nzramaa amukoraa, ɔne anonneɛ afɔleɛ bɔ babɔ bama nyameɛ foforɛ mɔ ne ati.’ ”

Mateo 10:27

Na bɔ mekã mekyire ɛmɔ awosii nu ne, ɛmɔhã ye eyia ketee; yeɛ bɔ batu ye nwo asure maa ɛmɔate ne, ɛ́mɔbɔ ye dawure wɔ sua ti afia.

Mateo 24:17

sona bɔ ɔwɔ sua ti afia ne, onni kyɛ odwu ase kyɛ ɔkwaafa nikyee biala fi ye awuro;

Marko 2:4

Na ɔnate mmenia wora ne ati, bannya atee bangɔ ye nwo berɛ. Yiti bɛpale sua bɔ né Yesu wɔ nu ne aso, betofili nu tokuro, na bedwurale bɛen ne wɔ mmerɛ bɔ né bubuaniɛ ne ɔla so ɔ bɛtole nu dɔ.

Deuteronomi 22:8

“Sɛ esi sua foforɛ a, sua ne anwuro nekaa bɔ basamo ne, to ɛwaen fa ye nwo bra yia. Anyɔ ye sɔ, ná ebie fi so te tɔ a, mogya nwo foɛlilɛ kɔla wɔ sua ne aso.

1 Samuel 9:25

Na befili asɔneyɛɛ so dɔ bedwu bɛwale kuro ne anu ne, bɛtole Sɔɔlo mba wɔ sua ne aso nzamsoɛ ne aso maa ɔlale.