Luka 5:17 - AHYERƐLƐ KRONGRON

¹⁷ Na ɔwale kyɛ, ɛlɛho bie, né ɔyɛ ngyerɛkyerɛ. Né Farasiifoɛ ne mmeraa akyerɛkyerɛfoɛ bɛtete berɛ bie. Befili Galilea ne Yudea nguraa mukoraa nu ne Yerusalem yeɛ bɛwale ɔ; na né Awurade tumi wɔ ye so bɔ ɔfa sa anwonyerɛ ɔ.

Luka 5:17 Iomraidhean Croise

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 15:1

Yeɛ Farasiifoɛ ne ahyerɛlɛfoɛ befili Yerusalem bɛwale Yesu berɛ beebisale ye kyɛ,

Marko 1:45

Nakoso, biaa ne de, ofili berɛ hɔle nen, ɔhyɛle ye bo ɔbɔle edwirɛ ne dawure maa otenele. Na ye sɔ ati, Yesu angora wanye ye nyunu wangɔ kuro biala so ko; na mmom ɔhale ɛserɛ ne aso berɛ, na mmenia fili nekaa biala bɛwale ye berɛ.

Marko 16:18

bɛkɔma ewoo mɔ so, na sɛ bɛno nikyee biala bɔ ɛborɔ wɔ nu a, ɔngɔyɔ bɛ huu; bɛkɔfa bɛ sa bekogua ayarefoɛ so maa bɛkɔte apɔ.”

Marko 3:22

Na ahyerɛlɛfoɛ bɔ befili Yerusalem bɛwale ne sele kyɛ, “Ole Beɛsebul, na sunzummɔne mɔ panyi tumi yeɛ ɔfa tutu sunzummɔne mɔ ɔ.”

Marko 5:30

Na berɛ ne ala, Yesu tele nga wɔ ye nu kyɛ tumi bie afi ye nu. Ɔkakyili ye nwo wɔ mmenia ne anu, na obisale kyɛ, “Nwa yeɛ ɔfale ye nwo hane m’ataadeɛ ne?”

Marko 7:1

Farasiifoɛ mɔ, yeɛ ahyerɛlɛfoɛ nemɔ nu biemɔ befili Yerusalem bɛwale, na bɛbɔle nu bɛwale Yesu berɛ.

Luka 15:2

Yeɛ Farasiifoɛ ne ahyerɛlɛfoɛ nemɔ bɛyɛle nwuhunwuhu kyɛ, “Biaa he ode bɔnefoɛ to nu, na osa ne bɛ bedidi.”

Luka 2:46

Na ɔwale kyɛ, ye ɛlɛsa ne aso, beenwuni ye wɔ asɔneyɛɛ sua ne anu kyɛ ɔte akyerɛkyerɛfoɛ mɔ b’afia, bɔ ótie bɛ ná óbisabisa bɛ dwirɛ ɔ.

Luka 5:21

Na ahyerɛlɛfoɛ ne Farasiifoɛ nemɔ bɛhyɛle ye bo bɛdwenedwenene kyɛ, “Sona beni de ɛhe, bɔ ɔkã musue dwirɛ sɔaa ye? Nwa yeɛ ɔkora fa bɔne kyɛ ɔ, sana Nyameɛ ngome!”

Luka 5:30

Na Farasiifoɛ ne b’ahyerɛlɛfoɛ nemɔ bɛpenepene bɛ komvi behyirele ye asuafoɛ nemɔ kyɛ, “Nzu ati yeɛ ɛmɔ ne ɛtoɔdidelɛfoɛ ne bɔnefoɛ bedidi ná bɛno ɔ?”

Luka 6:19

Na mmenia worawora ne amukoraa bɛperele kyɛ bɛkɔfa bɛ nwo bɛkɔhã ye ɔ, ofikyɛ né tumi fi ye nu ɔsa bɛ mukoraa anwonyerɛ.

Luka 7:30

Nakoso Farasiifoɛ ne mmeraa nwo nimdeɛfoɛ nemɔ de, bɛpole Nyameɛ botaeɛ bɔ ɔwɔ berɛ ma bɛ ne, na bamma bammɔ bɛ asu.)

Luka 8:46

Na Yesu hane kyɛ, “Ebie afa ye sa wahã me, ofikyɛ manwu kyɛ tumi bie afi me nu wahɔ.”

Yohane 3:10

Yesu buale ye kyɛ, “Ɛte kyerɛkyerɛniɛ wɔ Yisrael, yeɛ koso ɛnde ɛhemɔ bo ɔ?

Yohane 3:21

Nakoso ebiala bɔ ɔyɔ bɔ ɔte nahorɛ ne de, ɔba kanea ne anwo, kyɛbɔ ɔkɔyɛ bɔ ye yɔleɛ kɔla ali pefee kyɛ wayɛ sotie wama Nyameɛ ɔ.”

Asomafoɛ 19:11

Nyameɛ fale Pɔɔlo so yɔle nzɛngyerɛnneɛ sonongo,

Asomafoɛ 4:30

Kyire wɔ tumi wɔ anwonyerɛsalɛ nu na boka maa yɛgyina wɔ Somvoɛ Krongron Yesu dumaa nu yɛyɔ anwanwadeɛ ne nzɛngyerɛnneɛ.”

Asomafoɛ 5:34

Na badwafoɛ nemɔ anu ko dwɔsole. Ɔte Farasiiniɛ bɔ bɛfrɛ ye Gamaliɛl. Né ɔte mmeraa kyerɛkyerɛniɛ bɔ maen ne anu ama mukoraa bebu ye ɔ; na ɔmaa bɛfale asomafoɛ nemɔ befitele kãa.